دەنيس تەن ءولىمى: ەكى كۇدىكتىنىڭ تۇسىنىكتەمەلەرى ءبىر-بىرىنە قايشى كەلىپ تۇر

استانا. قازاقپارات - مانەرلەپ سىرعاناۋشى دەنيس تەنگە قاستاندىق جاسادى دەگەن كۇدىكپەن ۇستالعان نۇرالى قياسوۆ پەن ارمان قۇدايبەرگەنوۆتىڭ بەرگەن تۇسىنىكتەمەلەرى ءار ءتۇرلى، دەپ حابارلايدى قازاقپارات ءتىلشى ق ر ىشكى ىستەر ءمينيسترىنىڭ ورىنباسارى راشيد جاقىپوۆقا سىلتەمە جاساپ.

بۇعان دەيىن نۇرلان قياسوۆ «دەنيس تەندى ۇرمادىم، پىشاق سالمادىم، ءجاي عانا قاراپ تۇردىم» دەپ مالىمدەگەن بولاتىن. كەيىنىرەك ەكىنشى كۇدىكتى ارمان قۇدايبەرگەنوۆ سپورتشىعا ەكى رەت پىشاق سالعانىن مويىندادى. الايدا، بەتپە-بەت كەزدەسۋ بارىسىندا نۇرلان قياسوۆ پىشاقتى ءوزى سالعانىن مويىندادى.

«كۇدىكتىلەردىڭ اۋىر قىلمىستى ءبىر-بىرىنە سىلتەۋى بۇگىن اشىلعان جاڭالىق ەمەس. قازىرگى ۋاقىتتا وقيعانىڭ ءمان-جايىن، قاي كۇدىكتىنىڭ پىشاق جۇمساعانىن تولىق انىقتاۋعا مۇمكىندىك بەرەتىن ساراپتامالار جۇرگىزىپ جاتىرمىز. ەكى كۇدىكتىنىڭ تۇسىنىكتەمەلەرى ءبىر-بىرىنە قايشى كەلىپ تۇر، ناقتى ساراپتامالاردان سوڭ پىشاقتىڭ كىمنىڭ قولىندا بولعانىن ناقتى انىقتايمىز»، - دەدى ق ر ىشكى ىستەر ءمينيسترىنىڭ ورىنباسارى راشيد جاقىپوۆ دەنيس تەن ءولىمىن تەرگەۋ تۋرالى ارنايى بريفينگتە.