12:59, 24 - شىلدە 2018 | GMT +5
تاياۋدا كوز جانارىنان ايىرىلاتىنىن بىلگەن جىگىت نەنى كورۋگە اسىقتى؟
استانا. قازاقپارات - پولشا تۇرعىنى مارچين زارنەتسكي جاقىندا كوز جانارىنان ايىرىلاتىنىن ءبىلىپ، تەڭىزدى سوڭعى رەت كورىپ كەتۋ ءۇشىن ۆەلوسيپەدپەن 700 كيلومەتردى ءجۇرىپ وتكەن.
بۇل تۋرالى lenta.ru-عا سىلتەمە جاساعان NUR. KZ حابارلايدى.
ەر ادام رەتينوپاتيا سىرقاتىنا شالدىققان. دارىگەرلەر ونىڭ جاقىن ارادا كورۋ قابىلەتىنەن ايىرىلاتىنىن ايتتى. قازىرگى تاڭدا پولياك تەك ءبىر كوزىمەن جارتىلاي عانا كورەدى.
وسىنى بىلگەن 38 جاستاعى زارنەتسكي ءوزىنىڭ بايىرعى ارمانىن ورىنداماق بولادى. ول ادريات تەڭىزىنە بارىپ، سوندا تۇراتىن الىس تۋىستارىمەن قاۋىشقان.
ونىڭ اۆتوبۋسقا، پوەزدگە، ۇشاققا بيلەت ساتىپ الاتىن اقشاسى بولماي، ۆەلوسيپەدپەن شىعادى.
ءبىراق قايتار جولدا ءبىر توپ ەرىكتىلەر ونىڭ جول ءجۇرۋ بيلەتىنە اقشا جيناپ بەرگەن ەدى.
