قازاقستاندا فۋتزالدان ستۋدەنتتەر اراسىنداعى الەم چەمپيوناتى وتەدى
قازاقستان ستۋدەنتتەر اراسىنداعى فۋتزالدان 2018-جىلعى الەم چەمپيوناتىن وتكىزۋ قۇقىعىن 2015-جىلى قازان ايىندا جەڭىپ العان بولاتىن.
اتالمىش بايراقتى دودا ت م د ەلدەرى اۋماعىندا العاش رەت وتكىزىلەتىن بولادى. وعان الەمدەگى جيىرمادان استام ەڭ مىقتى ستۋدەنتتىك قۇرامالار قاتىساتىنى كۇتىلەدى. سونداي-اق كوپتەگەن حالىقارالىق جانكۇيەرلەر مەن ەرىكتىلەر كەلەتىنى جوسپارلانعان.
ۇيىمداستىرۋشىلار - قازاقستان رەسپۋبليكاسىنىڭ ستۋدەنتتىك سپورت فەدەراتسياسى جانە ۇلتتىق ستۋدەنتتىك ليگاسى.
حالىقارالىق ستۋدەنتتىك سپورت فەدەراتسياسى (FISU)، ق ر ستۋدەنتتىك سپورت فەدەراتسياسى جانە ۇلتتىق ستۋدەنتتىك ليگا اراسىندا قول قويىلعان كەلىسىمگە سايكەس، ستۋدەنتتەر اراسىنداعى فۋتزالدان الەم چەمپيوناتىن 19-26- تامىز ارالىعىندا وتكىزۋ ايقىندالعان.
سونىمەن قاتار ۇيىمداستىرۋ كوميتەتىنىڭ قۇرامىنا ق ر ءبىلىم جانە عىلىم مينيسترلىگى، ق ر مادەنيەت جانە سپورت مينيسترلىگى جانە الماتى قالاسىنىڭ اكىمدىگى كىرىپ وتىر.
اتاپ وتەرلىگى، 2014-جىلى ق ر ءبىلىم جانە عىلىم مينيسترلىگىنىڭ باستاماسىمەن قۇرىلعان ۇلتتىق ستۋدەنتتىك ليگاسىنىڭ نەگىزگى ماقساتى جاستار اراسىندا سالاۋاتتى ءومىر سالتىن ناسيحاتتاۋ بولىپ تابىلادى. قازىرگى ۋاقىتتا ۇلتتىق ستۋدەنتتىك ليگا قازاقستاننىڭ بارلىق جوعارى وقۋ ورىندار مەن كوللەدجدەردى بىرىكتىرە وتىرىپ، جاستاردى سالاۋاتتى ءومىر سۇرۋگە شاقىرادى.
