موڭعوليادا اپتا بويى جاۋعان جاڭبىردىڭ سوڭى قار مەن بورانعا ۇلاستى
قازىر جاز ايىنىڭ قىزعان شاعى. ءبىراق بۇگىندە موڭعولياداعى اۋا رايىن بولجاپ ايتۋ قيىنعا سوعىپ وتىر. ماسەلەن، وتكەن اپتا بويى گوبي-التاي ايماعىنىڭ چاندمان سومونىندا توقتاۋسىز جاڭبىر جاۋعان بولاتىن. ال دەمالىس كۇنى سوموندا قار جاۋىپ، بوران سوقتى.
سومون موڭعوليانىڭ وڭتۇستىك-باتىسىندا، كورشى بايانحونگور ايماعىمەن شەكارادا ورنالاسقان. اۋماعى 4629 شارشى شاقىرىم. اۋا رايى كۇرت قۇبىلمالى. قاڭتار ايىنداعى ورتاشا تەمپەراتۋرا -18-20 گرادۋس، شىلدەدى 20+ گرادۋس.
سوموننىڭ ورتالىعى - تال-شاند كەنتى. ول ەل استاناسى - ۇلانباتىردان 970 شاقىرىم قاشىقتىقتا ورنالاسقان.
ەسكە سالايىق، 18- شىلدە كۇنى بايان-ولگەي ايماعىندا اپتا بويى جاۋعان نوسەر سالدارىنان سۋ باسقان ۇيلەردىڭ سانى 530 عا جەتتى. بايان-ولگەي قازاقتار كوپ قونىستانعان ايماق بولىپ تابىلادى.
مونتسامە اگەنتتىگىنىڭ مالىمەتىنشە، 530 ۇيدە تۇراتىن 2512 ادام بالاباقشالار مەن مەكتەپتەردىڭ عيماراتتارىنا ورنالاستىرىلدى. كوپتەگەن وتباسىلاردىڭ ۇيلەرى تۇرۋعا جارامسىز بولىپ قالدى.
