بەس مەملەكەتتىڭ باسشىلارى كاسپي سامميتىنە قاتىسادى

استانا. قازاقپارات - 2018-جىلى 12- تامىزدا اقتاۋ قالاسىندا بەسىنشى كاسپي سامميتى وتەدى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

وعان كاسپي جاعالاۋى مەملەكەتتەرىنىڭ قازاقستان رەسپۋبليكاسى، ازەربايجان رەسپۋبليكاسى، يران يسلام رەسپۋبليكاسى، رەسەي فەدەراتسياسى جانە تۇرىكمەنستاننىڭ باسشىلارى قاتىسادى.

سامميت بارىسىندا تاراپتار كاسپي تەڭىزىنىڭ قۇقىقتىق مارتەبەسىن، ەكونوميكا، كولىك، قورشاعان ورتا، قاۋىپسىزدىك سالالارى بويىنشا كاسپيدەگى ىنتىماقتاستىقتى جانە باسقا دا ماسەلەلەردى تالقىلايدى.

سامميتتىڭ نەگىزگى قورىتىندى قۇجاتى كاسپيي تەڭىزىنىڭ قۇقىقتىق مارتەبەسى تۋرالى كونۆەنتسيا بولۋى ءتيىس. ونىڭ جوباسى ماسكەۋدە 2017-جىلى 4-5- جەلتوقساندا سىرتقى ىستەر مينيسترلەرىنىڭ جينالىسى اياسىندا كەلىسىلگەن ەدى.

سامميت بارىسىندا كونۆەنتسيادان باسقا ءبىرقاتار بەس جاقتى ۇكىمەتارالىق قۇجاتتارعا قول قويىلۋى مۇمكىن.