قازاقستاندا قاي ماماندىق يەلەرى جوعارى ەڭبەكاقى الادى؟

 استانا. قازاقپارات - مەكتەپ بىتىرۋشىلەر مەن مەكتەپ قابىرعاسىندا جۇرگەن وقۋشىلار ءۇشىن ماماندىق تاڭداۋدىڭ ماڭىزى زور.

ال ماماندىق تاڭداۋدا ءتۇرلى فاكتورلار اسەر ەتەتىنى ءسوزسىز. سونىڭ ءبىرى - مامان يەسىنە تولەنەتىن ەڭبەكاقى. كىمدە بولسىن ەڭبەكاقى از الاتىن مامان اتانعىسى كەلمەيدى. ول ءۇشىن ەڭبەكاقى جوعارى تولەيتىن ماماندىقتى تاڭدايدى.

ۇ ب ت- دا جيناعان بالى جەتسە، باعى جانعانى، جەتپەسە تاعىسىن تاعى بولار. ەڭبەكاقىسى ءۇشىن ماماندىق تاڭداۋدىڭ ءمانى جوعارى ەمەس. سەبەبى ءوز ءىسىڭنىڭ مامانى بولساڭ، ساعان ارتىلار سەنىم دە، ساعان بەرىلەر ەڭبەكاقى دا جوعارى بولارى داۋسىز.

بۇگىندە ەلىمىزدە قاي ماماندىق يەلەرى ەڭ كوپ ەڭبەكاقى الادى؟ بۇل تۋرالى بۇگىن ءبىلىم جانە عىلىم ۆيتسە- ءمينيسترى تالعات ەشەنقۇلوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا ايتا كەتتى.

سونداي-اق ۆيتسە- مينيستر رەسپۋبليكانىڭ جوعارى وقۋ ورىندارىندا ءبىلىم بەرۋ باعدارلامالارىنىڭ رەيتينگىسىنىڭ ءبىرىنشى كەزەڭىن قورىتىندىلادى. - ەلىمىزدە ەڭ كوپ ايلىق الاتىن «مۇناي- گاز ءىسى» ماماندىعى يەگەرلەرى. جۇمىسپەن قامتىلۋ دەڭگەيى دە جوعارى. سوعان بايلانىستى بۇل ماماندىققا سۇرانىس ارتۋى ىقتيمال. سونىمەن قاتار ەڭ از جۇمىسپەن قامتىلۋ «جۋرناليستيكا» مامانداعى بولىپ شىقتى - 63 پايىز»، - دەدى تالعات ەشەنقۇلوۆ.

سونىمەن قاتار ۆيتسە- مينيستر «مۇناي- گاز ءىسى» ماماندىعىندا وقىعاندار 900 مىڭ تەڭگە ايلىق الاتىنىن ايتا كەتتى.

- جوعارى جالاقى الاتىن ماماندىقتىڭ ءبىرى - «مۇناي- گاز ءىسى» دەپ اتاۋعا بولادى. ورتاشا جالاقىسى - 202 مىڭ تەڭگە، «كولىك تەحنيكاسى جانە تەحنولوگياسى» ماماندىعى بويىنشا ورتاشا جالاقى - 174 مىڭ تەڭگە، «تاۋ- كەن»  - 174 مىڭ تەڭگە، «اۆتوماتتاندىرۋ جانە باسقارۋ» - 159 مىڭ تەڭگە. بۇل قوسىمشا تابىس تابۋ مۇمكىندىگى بار ماماندىقتار، - دەدى تالعات ەشەنقۇلوۆ.

ايتا كەتەيىك، ءبىلىم جانە عىلىم مينيسترلىگى مەن اتامەكەن ۇ ك پ ءبىلىم بەرۋ باعدارلامالارىنىڭ رەيتينگىن تۇزۋدە. ءبىلىم جانە عىلىم ۆيتسە-ءمينيسترى تالعات ەشەنقۇلوۆ بۇل رەيتينگ جايلى دا ايتا كەتتى. - ۇيىمداستىرۋ باسىندا 2000 باعدارلاما اراسىندا رەيتينگ جۇرگىزۋ مىندەتى تۇردى. ءبىز 33 ماماندىق بويىنشا، نەگىزىنەن تەحنيكالىق، ەكونوميكا جانە بيزنەس، الەۋمەتتىك ماماندىقتار بويىنشا 784 باعدارلامانى زەرتتەدىك. بۇل رەيتينگ ۇكپ جانە ق ر ب ع م سايتىندا جاريالانادى. وندا ماماندىقتاردىڭ رەيتينگىسىن، ۇپاي، جالاقى مولشەرىن، سونداي- اق جۇمىسپەن قامتۋدىڭ ورتاشا پايىزى كورسەتىلەدى.

بۇل رەيتينگ تالاپكەرلەر ءۇشىن كەرەك. وندا قاي ۋنيۆەرسيتەت جاقسى نەمەسە جامان ەكەنى كورسەتىلمەيدى. مۇندا جۇمىس بەرۋشىنىڭ ءبىلىم بەرۋ باعدارلامالارىنا بەرگەن باعاسىن كورسەتكىمىز كەلەدى. مۇمكىن، ءبىر جوعارعى وقۋ ورنى بەلگىلى ءبىر ماماندىق بويىنشا الدا، ال باسقاسىنان ارتتا قالاتىن شىعار، - دەدى.