ولىمنەن كەيىنگى ءومىر: مايىتتەگى قورقىنىش عالىمداردى شوشىتتى

 استانا. قازاقپارات- ادام ولگەن سوڭ ونىڭ سۇيەگىن ورتەپ جىبەرۋ الەمنىڭ ءار تۇكپىرىندە ءالى كۇنگە كەزدەسەدى.

ورتا عاسىرلاردا بۇل سوقىر نانىم-سەنىمنىڭ جەتەگىندە نەمەسە ءمايىتتىڭ ءىرىپ-ءشىرۋى كەزىندە اۋرۋ تاراماسى ءۇشىن جۇزەگە اسىرىلسا، بۇگىنگى تاڭدا دا پۇتقا تابىناتىن كەي ەلدەردە سالتتىڭ سارقىنشاعى رەتىندە اتقارىلىپ جاتادى دەپ جازادى Islam.kz.

الايدا، ادام تىعىز شوعىرلانعان وڭىرلەردە جەردىڭ جەتىسپەۋشىلىگىنەن، ياعني، دۇنيە سالعان ادامنىڭ سۇيەگىن جەرلەيتىن ورىن تاپشىلىعىنا بايلانىستى ورتەلىپ جاتادى. وسى ماقساتتا ارنايى كرەماتوريلەر سالىنادى.

1996-جىلى ماسكەۋ قالاسىنداعى كرەماتوريلەردىڭ بىرىندە قۇپيا تاجىريبە جۇزەگە اسىرىلعان ەكەن. قايتىس بولعان ادامنىڭ مايىتىنە ەنتسەفالوگراف جالعاپ، ادام سۇيەگىن وتقا تاستاعان.

تاجىريبەنى جۇزەگە اسىرعاندار وتتىڭ ەنتسەفالوگرافقا ەش اسەرىن تيگىزە المايتىنىنا، ياعني، تەمپەراتۋرانىڭ ەش قاتىسى بولمايتىنىنا الدىمەن كوز جەتكىزىپ الىپتى. سودان سوڭ بارىپ قانا تاجىريبەنى جۇرگىزىپ كورگەن.

ءبىر تاڭقالارلىعى ءارى قورقىنىشتىسى، ەنتسەفالوگراف ءتىرى ادامنىڭ بويىنداعى ۇرەيدىڭ سيگنالىن كورسەتكەن.

مۇنىڭ ءبارى مۇقيات تاسپاعا تارتىلىپ الىنعان بولاتىن. عالىمدار مۇنى ءمايىتتىڭ بويىنداعى باكتەريالار مەن حيميالىق پروتسەسستەرگە جورىپ، وزدەرىنشە جورامال جاساعان.