پرەزيدەنت ەلدە سالىنىپ جاتقان جولدار تۋرالى ايتتى

پاۆلودار. قازاقپارات - پاۆلودارداعى ەرتىس ءوڭىرىنىڭ ەكونوميكاسىن جەتىلدىرۋگە دامىعان كولىك، لوگيستيكا جەلىسى ىقپال ەتەدى، دەپ حابارلايدى قازاقپارات ءتىلشىسى.

«تەمىرجول، اۆتوموبيل جولدارىن نە ءۇشىن سالىپ جاتىرمىز؟ سەبەبى، ترانسپورت - بۇل ءومىر. ءبىز سالعان جولداردى شوبەرەلەرىمىز پايدالانىپ، ەستەرىنە الاتىن بولادى. ءبىز نەمىستەر سالعان جولىمەن ءسۇيسىنىپ ءجۇرىپ ءجۇرمىز، ال ونى كونراد ادەناۋەر سوعىستان كەيىن سالعان»، - دەدى قازاقستان پرەزيدەنتى نۇرسۇلتان نازاربايەۆ پاۆلودار وبلىسىن الەۋمەتتىك- ەكونوميكالىق دامىتۋ قورىتىندىسى بويىنشا وتكەن جيىندا.

سونداي- اق، مەملەكەت باسشىسى فرانسيسكو فرانكو سالدىرتىپ، قازىرگە دەيىن قولدانىلىپ جاتقان يسپانيا اۆتوماگيستالدارىنىڭ ساپاسىن مىسالعا كەلتىردى.

 «ينفراقۇرىلىم بارلىعى ءۇشىن قاجەت، شەكارا ماڭىنداعى ساۋدا ءۇشىن دە (...). رەسەيدىڭ 3 وبلىسىمەن كورشىلەس جاتىرسىزدار، بۇل ءوڭىردى، قازاقستاندى دامىتۋعا كومەكتەسۋى ءتيىس»، - دەپ اتاپ ءوتتى ەلباسى.