18:44, 15 - شىلدە 2018 | GMT +5
رەسەي كاتارعا فۋتبولدان الەم چەمپيوناتى ەستافەتاسىن تاپسىردى
استانا. قازاقپارات - ر ف پرەزيدەنتى ۆلاديمير پۋتين، كاتار ءامىرى تاميم بەن حاماد ال تاني جانە FIFA پرەزيدەنتى دجانني ينفانتينو جەكسەنبى كۇنى كاتارعا 2020-جىلى فۋتبولدان الەم چەمپيوناتىن وتكىزۋ بويىنشا سيمۆوليكاللىق تاپسىرۋ راسىمىنە قاتىستى، دەپ حابارلايدى ت ا س س.
ەكى ەلدىڭ كوشباسشىسى جانە حالىقارالىق فۋتبول فەدەراتسياسىنىڭ پرەزيدەنتى كرەملدە كەزدەستى. پۋتين كەزەكتى مۋنديال قوجاسىنا ءا چ-2018 سيمۆوليكاسى بار قىزىل-اق ءتۇستى دوپتى تاپسىردى.
ۇيىمداستىرۋشىلاردىڭ سوزىنە قاراعاندا، وسى دوپ جەكسەنبىدە ماسكەۋلىك «لۋجنيكي» ستاديونىندا فرانسيا مەن حورۆاتيا قۇرامالارى اراسىندا وتەتىن فينالدىق ماتچتا قولدانىلادى. بۇل ويىن ماسكەۋ ۋاقىتىمەن 18:00-دە باستاالادى. ءوز كەزەگىندە ۆلاديمير پۋتين رەسەيدە بولعان فۋتبولدان الەم چەمپيوناتىن ماقتان تۇتاتىندىعىن جانە كاتاردىڭ دا 2022-جىلى وسى بىرىنشىلىكتى جوعارى دەڭگەيدە وتكىزەتىندىگىنە سەنىم ءبىلدىردى.
ءوز كەزەگىندە كاتار ءامىرى پۋتينگە وسى كەزدەسۋگە مۇمكىندىك جاساعانى ءۇشىن العىس ايتا كەلە، ەلىنىڭ الداعى چەمپيوناتتى دايىنداۋ ءۇشىن بار كۇشتەرىن جۇمسايتىندىعىن جەتكىزدى.
