عۇسمان قىرعىزبايەۆ دزيۋدودان ەۋروپا كۋبوگىنىڭ كۇمىس جۇلدەگەرى اتاندى

استانا. قازاقپارات - گەرمانيانىڭ سااربريۋككەن قالاسىندا ەرلەر مەن ايەلدەر اراسىندا دزيۋدودان ءوتىپ جاتقان ەۋروپا كۋبوگىنىڭ العاشقى كۇنى ەل قورجىنىنا كۇمىس جۇلدە بۇيىردى، دەپ حابارلايدى قازاقپارات ءتىلشىسى.

ق ر دزيۋدو فەدەراتسياسىنىڭ باسپا ءسوز قىزمەتى ءمالىم ەتكەندەي العاشقى كۇمىس جۇلدەنى 66 كەلى سالماقتا ەل نامىسىن قورعاعان قازاقستاندىق دزيۋدوشى عۇسمان قىرعىزبايەۆ جەڭىپ الدى.

ىرىكتەۋ كەزەڭىنەن ىركىلمەي شىققان وتانداسىمىز جارتىلاي فينالدا فرانسۋز بالۋانى كيەۆين ازەمانى جەڭىپ، فينالعا جولداما العان بولاتىن. الايدا، فينالدا گرۋزيالىق تورنيك ناگياشۆيليگە ەسە جىبەرگەن عۇسمان قىرعىزبايەۆ ەل قورجىنىنا جارىستىڭ العاشقى كۇمىس جۇلدەسىن سالدى.

ايتا كەتەيىك، سااربريۋككەندە دزيۋدودان ەۋروپا كۋبوگى جەكسەنبى، ياعني 15- شىلدەدە ءوز مارەسىنە جەتەدى. وسىعان دەيىن اتالمىش دودادا 12 بالۋان ەل نامىسىن قورعايتىنى تۋرالى جازعان بولاتىنبىز.

تارتىستى دوداعا 26 ەلدەن 387 دزيۋدوشى قاتىسىپ جاتىر.

اۆتور: كۇنسۇلتان وتارباي