يراك استاناسىندا جاپپاي نارازىلىق شارالارى وتۋدە

باعدات. قازاقپارات - يراكتىڭ وڭتۇستىگىن تۇگەلدەي قامتىعان جاپپاي نارازىلىق اكسيالارى ەلدىڭ استاناسى باعدات قالاسىنا جەتتى، دەپ حابارلايدى انادولى اگەنتتىگى.

سونىمەن قاتار، ۇكىمەتكە قارسى ميتينگ باعداتتىڭ شيتتەر باسىم تۇراتىن اش-شۋلە اۋدانىندا دا ءوتتى.

قاۋىپسىزدىك كۇشتەرىنىڭ وكىلدەرى بۇل اۋماققا كەلگەن كەزدە نارازىلىق بىلدىرگەن حالىق اۆتوكولىكتەردىڭ شينالارىن ورتەي باستاعان. الدىن الا بولجام بويىنشا نارازىلىق شارالارى يراك استاناسىنىڭ وزگە اۋداندارىنا دا تارالۋى ىقتيمال. ال يراكتىڭ وڭتۇستىگىندە كوممۋنالدىق سالانىڭ ناشارلاۋىنا جانە ەلەكتر قۋاتىن تاراتۋداعى اقاۋلارعا قارسى نارازىلىق اكسيالارى ءوتىپ جاتىر.

ەلدىڭ قاۋىپسىزدىك كۇشتەرىندەگى دەرەككوزدەردىڭ ايتۋىنشا، باسرادا نارازىلىق بىلدىرۋشىلەر يراكتىڭ پرەمەر-ءمينيسترى حايدار ال- يبادي توقتاعان قوناق ۇيگە باسا-كوكتەي كىرمەك بولعان.

جەرگىلىكتى باسپا ءسوز حابارلاعانداي، ميتينگ وتكىزۋشىلەردىڭ ءبىر توبى نادجاف قالاسىنداعى مەريا عيماراتىن قورشاپ العان. وڭتۇستىكتە ورنالاسقان مەيسان قالاسىندا قاۋىپسىزدىك كۇشتەرى مەن نارازى حالىقتىڭ اراسىندا بولعان قاقتىعىستا ءبىر ادام قازا تاپقان. ءدال وسى قالادا ميتينگكە شىققان جۇرت «داۆا» بيلىك پارتياسىنىڭ، «ۇلتتىق دانالىق قوزعالىسىنىڭ» ، سونداي-اق، «بەدير» جانە «يسلامنىڭ جوعارعى كەڭەسى» ۇيىمدارىنىڭ عيماراتتارىن ورتەپ جىبەرگەن.

سونداي-اق، مانيفەستانتتار نادجاف قالاسىنىڭ جەرگىلىكتى اۋەجايىنا شابۋىل جاساعان.