14:52, 12 - شىلدە 2018 | GMT +6
ۇلكەن الماتى كولىنىڭ سۋى نەگە تارتىلىپ بارادى؟
الماتى. قازاقپارات - الماتى تۇرعىندارى مەن قوناقتارى ۇلكەن الماتى كولىنىڭ سۋى تارتىلىپ بارا جاتقانىنا الاڭداۋلى.
تابيعاتتىڭ توسىن قۇبىلىسىن ق ر ا ش م ترانس شەكارالىق وزەندەر دەپارتامەنتى ديرەكتورى يگور كوۆال قازاقپارات تىلشىسىنە ءتۇسىندىردى.
«پروبلەما بار. بۇل تاۋ جۇيەسىنىڭ جالپى پروبلەماسى. سوڭعى 30-40 جىلدا دۇنيەجۇزىنىڭ بارلىق تاۋ جۇيەلەرىندە مۇزدىقتار قورى %30 عا ازايعان. بۇل ماسەلە ىلە الاتاۋى مەن تالعار تاۋىنا دا جەتتى. بۇل - وبەكتيۆتى فاكتور. سەبەبى، بىزدە مۇزدىقتار ۇزاق جىلدار بويى زەرتتەلىپ كەلەدى»، - دەيدى يگور كوۆال.
ايتا كەتۋ كەرەك، وسىنىڭ الدىندا الماتى ماڭىنداعى حوستەل يەلەرى مەن قالالىق تۋريزم جانە سىرتقى بايلانىستار باسقارماسىنىڭ ماماندارى ۇلكەن الماتى كولىنىڭ تۋريستەرگە قولجەتىمدىلىگىن تالقىلاعان بولاتىن.