رونالدۋدىڭ فۋتبولكاسى مينۋت سايىن ساتىلىپ جاتىر
ناتيجەسىندە ءار مينۋتتا رونالدۋدىڭ 1 فۋتبولكاسى ساتىلىپ جاتىر. الۋشىلاردىڭ كوپتىگىنەن كلۋبتىڭ ينتەرنەت- دۇكەنى دە ءبىراز ۋاقىتقا ىستەمەي قالعان. ماماندار ونى قايتا ىسكە قوسۋ ءۇشىن كوپ تەر توككەن. ەستەرىڭىزگە سالا كەتەيىك، ايگىلى پورتۋگالدىق فۋتبولشى كريشتيانۋ رونالدۋ ءمادريدتىڭ «رەالىنان» ءتۋريننىڭ «يۋۆەنتۋس» كلۋبىنا اۋىسقان بولاتىن. پورتۋگالدىق سۇرمەرگەن «يۋۆەنتۋس» كومانداسىمەن ءتورتجىلدىق كەلىسىمشارتقا قول قويعان. جىلىنا 30 ميلليون ەۋرو كولەمىندە ەڭبەكاقى الادى. «يۋۆەنتۋس» فۋتبولشىنىڭ ترانسفەرلىك قۇنىنا 100 ميلليون ەۋرو شىعىنداعان. ونى كورولدىك كلۋبقا 2 جىل ىشىندە تولەيتىن بولادى. سونداي- اق تاعى بۇرىنعى كومانداسىنا 12 ميلليون ەۋرو بەرەدى. كريشتيانۋ رونالدۋ «رەال» فۋتبول كلۋبى ساپىندا 438 ويىنعا قاتىسىپ، 451 گول سوعىپ، كوماندا تاريحىنداعى ەڭ ۇزدىك سۇرمەرگەن اتاندى.
Massaget.kz