ارىستانبەك مۇحامەدي ۇلى استانادا قوناقجايلىلىق ۋنيۆەرسيتەتىن اشۋدى ۇسىندى

استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى استانادا حالىقارالىق تۋريزم جانە قوناقجايلىلىق ۋنيۆەرسيتەتىن اشۋدى ۇسىندى، دەپ حابارلايدى قازاقپارات ءتىلشىسى.

«ءبىزدىڭ مىندەتىمىز - حالىقارالىق بەيىندىك مەكتەپتەردىڭ ۇزدىك تاجىريبەسى بويىنشا بىلىكتىلىگى جوعارى كادرلاردى دايىنداۋ. بۇل ءۇشىن استانادا ورتالىق ازياداعى تۇڭعىش حالىقارالىق تۋريزم جانە قوناقجايلىلىق ۋنيۆەرسيتەتىن اشۋدى ۇسىنامىن. ونىڭ ديپلومى بۇكىل الەمدە مويىندالۋى ءتيىس»، - دەدى ارىستانبەك مۇحامەدي ۇلى بۋرابايداعى شاڭعى بازاسىن تانىستىرۋ اياسىندا مەملەكەت باسشىسى نۇرسۇلتان نازاربايەۆقا وقىعان بايانداماسىندا.

 ونىڭ ايتۋىنشا، مۇنداي ۋنيۆەرسيتەت ءبىلىم بەرۋدىڭ يننوۆاتسيالىق مودەلىن قالىپتاستىرىپ، الەمنىڭ جەتەكشى وقۋ ورىندارىمەن وقۋ جوسپارلارىن، تاجىريبەلەردى ينتەگراتسيالاۋ جولىمەن جاڭا ءبىلىمدى جەدەل جەتكىزۋگە مۇمكىندىك بەرەدى.

اۆتور: ايجان سەرىكجان قىزى