تايلاندتاعى ۇڭگىردە اداسقان ادامداردىڭ بارلىعى قۇتقارىلدى - ب ا ق

استانا. قازاقپارات - تايلاندتا كحاو لۋانگ ۇڭگىرىنىڭ ىشىندە اداسىپ كەتكەن بالالاردىڭ ءبارىن سىرتقى الىپ شىقتى، دەپ حابارلايدى قازاقپارات ءتىلشىسى ت ا س س اگەنتتىگىنە سىلتەمە جاساپ.

Spring News تەلەارناسىنا سىلتەمە جاساعان ت ا س س- تىڭ حابارلاۋىنشا، ۇڭگىردە ءىز- ءتۇسسىز كەتكەن 12 بالا مەن 1 باپكەر تابىلعان. ولار ۇڭگىر ىشىندە ەكى اپتا بويى اداسىپ جۇرگەن.

ەسكە سالا كەتسەك، 23 - ماۋسىم كۇنى تايلاندتاعى ۇلتتىق پارك قىزمەتكەرلەرى ۇڭگىرگە كىرە بەرىستە موتوسيكل مەن ۆەلوسيپەدتەردى، سپورتتىق جابدىقتاردى تاۋىپ العان بولاتىن. ولار جەرگىلىكتى فۋتبول كومانداسىنا حابارلاسىپ، ول جاقتان تابىلعان زاتتاردىڭ شىنىندا دا 11-16 جاس ارالىعىنداعى 12 مەكتەپ وقۋشىسىنا جانە 25 جاستاعى باپكەرگە تيەسىلى ەكەنىن راستاعان. ولار اداسىپ كەتكەن ۇڭگىردىڭ ءىشى 10 شاقىرىمدىق جولدارعا بولىنگەن. بىرنەشە شىعاتىن جانە كىرەتىن بولىكتەرى بار. تايلاند بيلىگى ۇڭگىردە حابارسىز كەتكەن بالالاردى قۇتقارۋ جۇمىستارىن جۇرگىزگەن ەدى.

بۇدان بۇرىن اتالعان ۇڭگىردەن 2 بالانىڭ تابىلعانىن حابارلاعان بولاتىنبىز.

اۆتور: ايان بەكەن ۇلى