دامىعان ەلدەردەگى قارتتاردىڭ تاعدىرى

 استانا. قازاقپارات - ماسەلەن، جاپونياداعى اقشا باسىپ شىعاراتىن ستانوك، مىنە، تالاي جىلدىڭ ءجۇزى بولدى، توقتاۋسىز سارتىلداپ جۇمىس ىستەپ كەلەدى.

ايتپەسە، كۇنشىعىس ەلىنىڭ قاجەتسىز قوقىسقا تولى كۇللى قارجى جۇيەسى ءبىر-اق كۇندە استاڭ-كەستەڭى شىعادى. اربىردەن سوڭ، بۇل قاعاز ماحيناتسياسى قاراپايىم حالىققا قاراعاندا الاياقتار مەن قازاننىڭ قاقپاعانى ۇستاعان قارجىگەرلەرگە عانا ءتيىمدى.

84 جاسىندا ءبىر جاپوندىق كەيۋانا تۇرمەگە ءتۇستى. كۇرىش ۇرلاپ. قالاي ازاتتىققا شىقتى، تاعى اباقتىعا جابىلدى. سول سەبەپپەن - ءبىر ۋىس كۇرىش ءۇشىن. قازىر ونىڭ جاسى 89-دا. تار قاپاستا وتىرعانىنا قۋانادى. ايتەۋىر، تاماعىڭ الدىڭدا، ازىق ۇرلاپ، اۋرە بولىپ جاتپايسىڭ. مۇنداي جەكەلەگەن مىسالداردى سان-مىڭداپ كەلتىرۋگە بولادى. بۇل ەلدەگى قارتتاردىڭ دەنى تاماعىن تابۋ ءۇشىن وسىنداي ۇساق قىلمىستارعا بارىپ جاتادى. ال الەمنىڭ ارمانىنا اينالعان ا ق ش-تاعى جاعداي قانداي؟ بۇل ەلدە جاسى 85-تەن اسسا دا جۇمىس ىستەيتىن قارتتاردىڭ قاراسى 255 مىڭنان اسىپ كەتكەن. قارت ادامعا قيىن جۇمىستارعا دا جەگىلەدى. كۇنكورىس.

ا ق ش ەڭبەك مينيسترلىگى كەلتىرگەن دەرەككە قاراعاندا، بۇل ەلدە جاسى 55-تەن اسىپ كەتكەندەردىڭ ەڭبەك ەتىپ جۇرگەندەردىڭ قاراسى كوپ. كەرىسىنشە ناعىز تەپسە تەمىر ۇزەتىن، كۇشى بويىنا سىيماعان جاستار اراسىندا جۇمىس ىستەمەيتىندەر كوبەيگەن. ياعني، 30 جاسقا دەيىنگىلەر. ولاردىڭ دەنى ۋاقىتىن كوبىنە كومپيۋتەر الىندا وتكىزەدى.