عالىمدار قىتايلىق كومپانيا وندىرگەن قاتەرلى ىسىك تۋدىراتىن دارىلەردى اتادى

 استانا. قازاقپارات - دانياداعى مەديتسينالىق اگەنتتىك زەرتتەۋشىلەرىنىڭ ايتۋىنشا، گيپەرتونياعا قارسى ءدارىنىڭ قۇرامىنداعى ۆالسارتان قوسپاسى ونكولوگيالىق اۋرۋدى تۋدىرۋى مۇمكىن. دەنساۋلىققا اسا قاۋىپتى بۇل ءدارىنى قىتايلىق Zhejiang Huahai Pharmaceuticals فارموكومپانياسى شىعارعان، - دەپ حابارلايدى «مەديكفورۋم».

ءوندىرۋشى ءدارىنىڭ انتيگيپەرتەنزيۆتىك تازارتۋ پروتسەسىن بۇزعانى انىقتالدى. «گيپەرتونيانى ەمدەيتىن ءدارىنىڭ قۇرامىنان تابىلعان ۆالسارتان زاتى قاتەرلى ىسىك جاسۋشالارىنىڭ قوزۋىنا اكەپ سوقتىرادى»، - دەپ مالىمدەدى دانيانىڭ عالىمدارى.

زەرتتەۋشىلەردىڭ مالىمدەۋىنشە، بۇل دارىمەن ۇزاق ۋاقىت بويى ەمدەلگەن ناۋقاستىڭ دەنساۋلىعى كۇرت ناشارلاي باستايدى. قازىرگى ۋاقىتتا ەۆرووداق ۆالسارتانعا نەگىزدەلگەن دارىلەردىڭ ساتىلۋىنا تولىق تىيىم سالۋ تۋرالى ماسەلەنى قاراستىرىپ جاتىر. بۇل تىيىمنىڭ قابىلدانباۋى دانيالىق عالىمداردىڭ تاجىريبەسى جانۋارلارعا نەگىزدەلگەنى ءۇشىن توقتاتىلادى. ءوندىرۋشى ءوزىنىڭ اسا قاۋىپتى تاۋارلارىن ءدارىحانا نارىعىنان الىپ تاستاعانى انىقتالدى.

Kaz.tengrinews.kz