دانيار ەلەۋسىنوۆتىڭ كاسىبي رينگتەگى ءۇشىنشى ايقاسى وتەدى

استانا. قازاقپارات - قازاقستاندىق بوكسشى دانيار ەلەۋسىنوۆتىڭ (2-0, 1 ك و) مۇددەسىن قورعايتىن Matchroom Boxing پروموۋتەرلىك كومپانياسى ونىڭ پروفي-رينگتەگى ءۇشىنشى ايقاسى تۋرالى جاريالادى، دەپ حابارلايدى قازاقپارات Sports.kz سايتىنا سىلتەمە جاساپ.

«دانيار ەلەۋسىنوۆ 4- تامىز كۇنى كارديففتە گابور گوربيچپەن جۇدىرىقتاسادى!»، - دەپ جازدى تۆيتتەردە Matchroom Boxing.

ەسكە سالايىق، 30 جاستاعى ۆەنگر بوكسشىسى گابور گوربيچ (24-11، 14 ك و) ەلەۋسىنوۆپەن لوندوندا 6- شىلدە كۇنى كەزدەسۋى ءتيىس بولاتىن. الايدا گوربيچتىڭ قاباعىنىڭ جارىلۋىنا بايلانىستى جەكپە-جەك وتپەدى. ءبىراق ول جاراقاتىنان ايىققاننان كەيىن قازاقستاندىق قارسىلاسىمەن كەزدەسۋگە ۋادە ەتكەن ەدى.

6- شىلدە كۇنى لوندونداعى York Hall كەشەنىندە دانيار ۆەنگريانىڭ وزگە بوكسشىسى زولتان شابومەن (24-12, 10 ك و) كەزدەسكەن ەدى. ايقاس تورەشىلەردىڭ ءبىراۋىزدى شەشىمىمەن وتانداسىمىزدىڭ سەنىمدى جەڭىسىمەن اياقتالدى.