ەرتەڭ تۇركيا پرەزيدەنتىن ۇلىقتاۋ ءراسىمى وتەدى

استانا. قازاقپارات - پرەزيدەنتتىڭ ۇلىقتاۋ راسىمىنەن كەيىن تۇركيا دامۋدىڭ جاڭا داۋىرىنە اياق باسادى. بۇل تۋرالى تۇركيا باسشىسى رەجەپ تاييپ ەردوعان پارلامەنتتە سويلەگەن سوزىندە ايتتى، دەپ حابارلايدى «انادولۋ».

«دۇيسەنبى، 9 - شىلدە كۇنى تۇركيا پرەزيدەنتىن ۇلىقتاۋ ءراسىمى وتەدى. وسىدان كەيىن مەملەكەت دامۋدىڭ جاڭا كەزەڭىنە اياق باسادى»، - دەدى ول.

ونىڭ اتاپ وتۋىنشە، ۇلى ۇلتتىق جينالىس (پارلامەنت) عيماراتىندا وتەتىن يناۋگۋراتسيادان كەيىن انكارا ىرگەسىندەگى بەشتەپە اۋماعىندا ورنالاسقان پرەزيدەنتتىك كەشەندە ۇلكەن شارا ۇيىمداستىرىلادى.

«شاراعا 22 ەلدىڭ باسشىلارى جانە 17 مەملەكەتتىڭ ۇكىمەت باسشىلارى قاتىسادى. ءبىرقاتار ەلدەردىڭ ۆيتسە- پرەزيدەنتتەرى مەن پارلامەنت سپيكەرلەرى كەلەدى»، - دەدى ەردوعان.

اۋدارما: ميرا تولەندى قىزى