ەر ادام دۇكەننەن جالعا العان ديسكتى قايتارماعانى ءۇشىن تۇرمەگە قامالۋى مۇمكىن

 استانا. قازاقپارات - وسىلدان ءتورت جىل بۇرىن ا ق ش-تىڭ تالسا قالاسىندا تۇرعان لونني پەرري 2014 -جىلى دۇكەننەن «ترەتي ليشني» فيلمىنىڭ DVD- ديسكىسىن جالعا العان. ءبىراق، ەر ادام فيلمدى كورگەننەن كەيىن ونى دۇكەنگە قايتارۋدى ۇمىتىپ كەتكەن.

بۇل تۋرالى Metro حابارلادى، دەپ جازادى Stan.kz اقپاراتتىق اگەنتتىگى.

سول ساتتە لونني كوشەتىن بولىپ، بارلىق زاتتارىن قوراپقا سالىپ قويعان. ءبىراق، ءتورت جىل وتكەننەن كەيىن پوليتسيا پەرريننىڭ ۇيىنە كەلىپ، وعان $218 ايىپپۇل سالىپ، ۇرلىق جاسادى دەپ ايىپتادى.

«مەندە ايىپپۇلدى وتەيتىن مۇنداي قاراجات جوق. ءبىراق مۇمكىندىگىنشە بۇل سومانى قايتارۋعا تىرىسامىن. مەنىڭ ويىمشا، بۇل ماسەلەنى باسقاشا شەشۋگە بولاتىن ەدى»، - دەيدى لونني.

پوليتسەيلەر وعان جالعا الىنعان ديسكتىڭ ۇرلانعان مۇلىك رەتىندە سانالاتىن ايتتى. ايىپپۇل تولەنبەگەن جاعدايدا، پەرري تۇرمەگە جابىلۋى مۇمكىن. ءوزى شامالى عانا تابىسىمەن كۇن كورىپ جۇرگەن ازامات بۇل ايىپپۇلدى وتەۋگە بارىن سالۋدا. ءوز كۇنىن ارەڭ كورىپ جۇرگەن لونني كەزىندە 5 دوللارعا ديسك العان كۇنگە لاعىنەت ايتۋدا.