بەلگىلى كاسىپكەر مۇحتار شاحانوۆقا ارناپ ءۇي تۇرعىزىپ بەردى

 استانا. قازاقپارات - شىمكەنت قالاسىنىڭ بەلگىلى كاسىپكەرى سەرىكجان سەيىتجانوۆ وتىرار اۋدانىنىڭ جاڭا شىلىك اۋىلىنان قازاقستاننىڭ حالىق جازۋشىسى، اقيىق اقىن مۇحتار شاحانوۆقا ءۇي تۇرعىزىپ بەردى.

وندا مۇحتار شاحانوۆتىڭ شىعارماشىلىق ءۇيى اشىلدى.

بەلگىلى كاسىپكەر مۇحتار شاحانوۆقا ارناپ ءۇي تۇرعىزىپ بەردى

بۇل تۋرالى zamana.kz حابارلادى، دەپ جازادى Stan.kz اقپارتتىق اگەنتتىگى.

2-شىلدەدە قازاقتىڭ اقيىق اقىنى مۇحتار شاحانوۆ 76 جاسقا تولدى. جاڭا شىلىكتە اشىلعان شىعارماشىلىق ءۇيى اقىننىڭ تۋعان كۇنىنە ارنالعان كەرەمەتتەي تارتۋ بولدى.

سالتاناتتى جيىنعا وتىرارلىقتاردان بولەك، تۇركىستان وبلىسى اكىمدىگىنىڭ، زيالى قاۋىمنىڭ، اقپارات قۇرالدارىنىڭ وكىلدەرى، باسقا دا ادامدار قاتىستى. اقىنعا زور قۇرمەت كورسەتىلىپ، سىي-سياپاتتار تاپسىرىلدى.

 

وسىندا جينالعان ونەرپازدار مۇحاڭنىڭ ولەڭدەرىن وقىدى، ول كىسىنىڭ اندەرىن ورىندادى. سونداي-اق جيىنعا قاتىسۋشىلار اقىننىڭ «وتىرار داستانى» شىعارماسىنىڭ جەلىسىمەن تۇسىرىلگەن انيماتسيالىق فيلمدى تاماشالادى. قوناقتار ارنايى تىگىلگەن كيىز ۇيدەگى داستارحاننان ءدام تاتىپ، اقىنعا دەگەن ىزگى تىلەكتەرىن ءبىلدىردى.

بۇل جيىن وتە اسەرلى ءوتتى. مۇحاڭ ءوز ومىرىنەن ەستەلىكتەر ايتتى، جينالعان حالىققا ريزاشىلىعىن ءبىلدىردى، عيماراتتىڭ سالىنۋىنا قارجىلاي دەمەۋشىلىك ەتكەن بەلگىلى كاسىپكەر سەرىكجان سەيىتجانوۆقا العىسىن جەتكىزدى.

شاحانوۆتىڭ شىعارماشىلىق ءۇيى ەكى قاباتتى بولىپ، ەرەكشە ديزاينمەن سالىنعان. ونىڭ ءىشى دە كەرەمەت بەزەندىرىلگەن. وندا كىتاپحانا، شىعارماشىلىقپەن اينالىساتىن جۇمىس كابينەتتەرى، دەمالىس بولمەلەرى جانە قوناق قابىلدايتىن بولمەلەر بار. ءبارى دە زاماناۋي ۇلگىدە جابدىقتالعان. عيماراتقا كىرگەندەر وندا قويىلعان سۋرەتتەر مەن قۇجاتتار ارقىلى اقيىق اقىننىڭ بۇكىل ءومىر جولىمەن دەرلىك تانىسا الادى.