دوللار باعامى تومەندەدى

استانا. قازاقپارات - قازاقستان قور بيرجاسىندا (KASE) دۇيسەنبى كۇنگى ساۋدا-ساتتىقتىڭ تاڭەرتەڭگىلىك سەسسياسىندا تەڭگەنىڭ ا ق ش دوللارىنا شاققانداعى ورتاشا باعامى 343,23 تەڭگەنى قۇرادى، دەپ حابارلايدى قازاقپارات KASE- گە سىلتەمە جاساپ.

بەيسەنبى كۇنگى ساۋدا-ساتتىقپەن سالىستىرعاندا شەتەلدىك ۆاليۋتا باعامى 0,09 تەڭگەگە تومەندەگەن. سەسسيا بارىسىندا ەڭ تومەنگى كۋرس 1 دوللارعا 342,9 تەڭگە، ال ەڭ جوعارىسى 343,4 تەڭگە دەڭگەيىندە بولعان. ساۋدا كولەمى 25,95 ميلليون دوللارعا جەتتى.

بەيسەنبى كۇنى دوللاردىڭ ورتاشا باعامى تاڭعى سەسسيا قورىتىندىلارى بويىنشا 1 دوللارعا 343,32 تەڭگە، كۇندىزگى سەسسيادا 343,44 تەڭگە، ەكى سەسسيانىڭ قورىتىندىلارى بويىنشا 343,38 تەڭگە بولعان. ساۋدانىڭ جالپى كولەمى 206 ميلليون دوللاردى قۇرادى.