گولوۆكين «كانەلونىڭ» ۇلكەن قاتەلىگىن اتادى

استانا. قازاقپارات - قازاقستاندىق بوكسشى گەننادي گولوۆكين مەكسيكالىق ساۋل الۆارەسپەن مەنتاليتەتتەگى ايىرماشىلىق پەن قۇرمەت تۋرالى ايتتى، دەپ حابارلايدى Sports.kz.

«بوكستى قۇرمەتتەيتىن ادامداردى سىيلايمىن. «كانەلو» مەن ونىڭ كومانداسى ونى قۇرمەتتەمەيدى. ول ۇلكەن قاتەلىك جاساپ، بۇرىنعى كوماندامەن جانە سول ادامدارمەن جۇمىس ىستەۋدى جالعاستىرۋدا. مەن جاقسىمىن، ال ول جامان دەپ ايتىپ وتىرعانىم جوق. تەك ءبىزدىڭ مەنتاليتەتىمىز ءارتۇرلى. مەن سپورتشىلاردى جانە سپورتتى قۇرمەتتەيمىن. مەن سياقتى سپورتقا قۇرمەتپەن قارايتىن ادامدارمەن پىكىرلەرىمىز سايكەس كەلەدى»، - دەدى گولوۆكين.

ەسكە سالايىق، گولوۆكين- كانەلو العاشقى كەزدەسۋى 2017-جىلدىڭ 16- قىركۇيەگى كۇنى لاس-ۆەگاستا وتكەن بولاتىن. جەكپە-جەك تەڭ اياقتالدى. رەماتچ اتالمىش قالادا بيىلعى 15- قىركۇيەكتە وتەتىنى جوسپارلانعان.