شىمبۇلاقتا تۋريست قىزدى تاس باسىپ قالدى

الماتى. قازاقپارات - الماتىدا «فيزكۋلتۋرنيك» شىڭىنا شىقپاق بولعان تۋريستكە تاس قۇلاپ كەتكەن.

وقيعا «شىمبۇلاق» شاڭعى بازاسىندا بولعان، دەپ حابارلايدى قازاقپارات ءتىلشىسى.

الماتى تاۋىنىڭ بوكتەرىندە استانانىڭ 20 جىلدىق مەرەيتويىنا وراي الپينيادا وتكەن. الپينيستەر 8 -ماۋسىم كۇنى تاڭعى 5-تە «شىمبۇلاق» شاڭعى بازاسىنان فيزكۋلتۋرنيك شىڭىنا قاراي باعىت العان. قاتىسۋشىنىڭ ءبىرىنىڭ ايتۋىنشا فيزكۋلتۋرنيك شىڭىنا بارار جولدا تاستار تومەنگە قۇلدىراي باستاعان. وقيعا كەزىندە تۋريست قىزدى تاس باسىپ قالىپ، اياعىن سىندىرىپ العان.

ق ر ءى ءى م ت ج ك رەسمي وكىلى رۋسلان يمانقۇلوۆتىڭ مالىمەتىنشە، قۇتقارۋشىلار تۋريست قىزدى تىكۇشاقپەن الىپ شىققان. قۇتقارۋ جۇمىستارىنا الماتى اكىمدىگىنىڭ قۇتقارۋشىلار وتريادىنىڭ قىزمەتكەرلەرى جۇمىلدىرىلعان.