گولوۆكين «كانەلودان» كەيىن كىممەن ايقاسقىسى كەلەتىنىن ايتتى

استانا. قازاقپارات - قازاقستاندىق بوكسشى گەننادي گولوۆكين مەكسيكالىق ساۋل الۆارەسپەن ەكىنشى ايقاستان كەيىن رينگتە كىممەن كەزدەسكىسى كەلەتىنىن، سونداي-اق كاسىبي مانسابىنداعى باستى ماقساتىن ايتتى، دەپ حابارلايدى Sports.kz.

«مەن كىممەن ايقاسقىم كەلەدى؟ بۇل مەنىڭ پروموۋتەرىم توم لەففلەرگە باعىتتالاتىن سۇراق دەپ ويلايمىن. كوپتەگەن تاڭداۋلار بار. WBC - چارلونى، WBA - مۇراتتى ۇسىنىپ وتىر، ءبىراق ءدال قازىرگى ساتتە كەلەسى قارسىلاسىم سوندەرس بولۋى مۇمكىن... نەگە ايقاسپاسقا؟ مەن بارلىق بەلبەۋلەردى العىم كەلەدى. مەنىڭ ماقساتىم - بارلىق تيتۋلداردى جيناۋ»، - دەپ كەلتىرەدى گولوۆكيننىڭ ءسوزىن Boxingscene.com.

ەسكە سالايىق، ول 15 -قىركۇيەكتە لاس-ۆەگاستاعى T- Mobele Arena-دا «كانەلومەن» ەكىنشى رەت ايقاسادى.