الەمدىك فيلمدەردى قازاقشا دۋبلياجداۋ: «لا- لا- لا» قالاي اۋدارىلدى
قازاقشا دۋبلياجدىڭ رەجيسسەرى ايجان جامشيتوۆانىڭ ءماتىن قويۋدا مول تاجىريبەسى بار مامان.
«دۋبلياج كەزى قىزىققا تولى بولدى. مۋلتفيلمدى قازاقشاعا اۋدارۋدا SONY Pictures اۋدارماشىلارعا شىعارماشىلىق ەركىندىك سىيلادى. سول مۇمكىندىكتىڭ ناتيجەسىندە ءازىل- قالجىڭداردى قازاقىلاندىرىپ، وبرازعا ساي سويلەمدەر تۇراقتى تىركەستەرمەن كوركەمدەلدى. ەشقانداي جاساندىلىقسىز، كەيىپكەرلەردى قازاقشاعا جاتىق ەتىپ كورسەتۋگە تىرىستىق. ءتىپتى دراكۋلانىڭ «لا- لا- لا» دەپ اندەتەتىن جەرىنە، قازاقتىڭ «ءلاي- ءلاي- لي- حاي- ءلايلىم» دەگەن ماقامىن قوستىق. دجەنندي تارتاكوۆسكي كەرەمەت قىزىقتى مۋلتفيلم تۇسىرگەن. ال ەگەر كورەرمەن وسى فيلمنىڭ قازاقشاسىن ءتۇپنۇسقاداي قابىلداسا ول - دۋبلياجدىڭ جەتىستىگى»، - دەدى ايجان جامشيتوۆا.
سونداي- اق، بۇگىندە كينوتەاترلاردا قازاق تىلىندە دۋبلياجدالعان فيلمدەردى كورەرمەنگە ىڭعايلى ۋاقىتقا قويۋ قولعا الىنۋدا.
«كينوتەاترلارداعى قازاق تىلىندە دۋبلياجدالعان فيلمدەردى كورەرمەنگە ىڭعايلى ۋاقىتقا قويۋدى قولعا الىپ جاتىرمىز. Sony, Disney سىندى الىپ ءوندىرىس كومپانيالارىنىڭ «بولاشاق» قورىنىڭ قازاق ءتىلىن دامىتۋداعى جوباسىن قولداپ وتىرعانىنا قۋانىشتىمىز. بۇل جەردە ۇكىمەت پەن كوپشىلىكتىڭ قولداۋى دا وتە ماڭىزدى»، - دەدى «بولاشاق» كورپوراتيۆتىك قورىنىڭ ديرەكتورى دينارا ءشايجۇنىسوۆا
«وزىڭنەن باستا» اتتى گولليۆۋد فيلمدەرىن قازاق تىلىنە اۋدارۋ جوباسى الماتى اكىمى باۋىرجان بايبەكتىڭ باستاماسىمەن جۇزەگە اسقان بولاتىن. ول 2011 -جىلدان باستاپ «بولاشاق» ك ق ءتوراعاسى ءارى «بولاشاق» اسسوتسياتسيا قۇرمەتتى مۇشەسى.
ەسكە سالا كەتسەك، «مونسترلار دەمالىسى - 3» مۋلتفيلمى 5 - شىلدە كۇنى استانادا الدىن الا كورسەتىلگەندىگى تۋرالى جازعان بولاتىنبىز.
«مونسترلار دەمالىسى - 3» - «بولاشاق» كورپوراتيۆتىك قورى قازاق تىلىنە دۋبلياجداعان 25- فيلم. دۋبلياجعا بارلىعى 30-دان استام اكتەر قاتىسقان.
«مونسترلار دەمالىسى - 3» فيلمىن 12 - شىلدەدەن باستاپ ەلىمىزدىڭ بارلىق كينوتەاترلارىندا قازاق تىلىندە تاماشالاۋعا بولادى.
اۆتور: ارايلىم جولداسباي
