11:54, 07 - شىلدە 2018 | GMT +5
ەلباسى استانانىڭ ىرگەسىن العاش قالاعان ازاماتتارمەن كەزدەستى
استانا. قازاقپارات - ەلباسى نۇرسۇلتان نازاربايەۆ كەشە استانانىڭ ىرگەسىن العاش قالاعان ازاماتتارمەن كەزدەستى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى شاراعا قاتىسۋشىلارمەن اڭگىمەلەسىپ، ولاردى ەلوردانىڭ 20 جىلدىعىمەن قۇتتىقتادى.
قازاقستان پرەزيدەنتى استانانى سالۋعا جانە دامىتۋعا اتسالىسقان تۇلعالاردىڭ بارىنە ريزاشىلىق ءبىلدىردى.
«ەلوردانىڭ بۇگىنگىدەي دارەجەگە جەتەتىنىنە كوپشىلىك سەنبەگەن ەدى. بارشاڭىزعا العىسىم شەكسىز. سىزدەر قاجىرلى ەڭبەك ەتپەگەندە، مەن بۇعان قول جەتكىزە الماس ەدىم. سىزدەردىڭ سىڭىرگەن ەڭبەكتەرىڭىز بولاشاق ۇرپاقتىڭ جادىندا ساقتالادى»، - دەدى نۇرسۇلتان نازاربايەۆ.
