09:11, 06 - شىلدە 2018 | GMT +5
ەلباسى: استانا - قازاقستاندىقتاردىڭ بولاشاققا دەگەن سەنىمى
استانا. قازاقپارات - قازاقستان پرەزيدەنتى نۇرسۇلتان نازاربايەۆ استانانى سالۋ كۇللى قازاقستاندىقتاردىڭ ەڭبەگى ەكەندىگىن ايتتى.
بۇل تۋرالى ول اقوردانىڭ Instagram-داعى رەسمي پاراقشاسىندا ورنالاستىرىلعان ۆيدەودا ءمالىم ەتتى، دەپ حابارلايدى قازاقپارات.
«ءبىز قازاقستاندى، ەڭسەلى ەلوردا - استانانى سالدىق. بۇل كۇللى قازاقستاندىقتاردىڭ ەڭبەگى. بۇل قازاقستاندىقتاردىڭ بولاشاققا دەگەن سەنىمى بولدى. سوندىقتان دا مەن وسى يدەيانى قولداعان بارلىقتارىڭىزعا العىس ايتامىن. ءبىز جاڭا ەلوردامىزدى سالا الدىق، ەندى ونىڭ 20 جىلدىق مەرەيتويىن اتاپ وتەمىز. بارلىق استانالىقتارعا جاقسىلىق پەن بەرەكە- بىرلىك تىلەيمىن»، - دەدى ەلباسى.
