قازىرگى اقوردا تۇرعان جەردە مەنىڭ ساياجايىم بولعان - ۆلاديمير بوجكو
«مەن العاش رەت استاناعا 1989 -جىلى كەلگەنمىن، مەملەكەتتىك قاۋىپسىزدىك كوميتەتى باسشىسىنىڭ ورىنباسارى بولىپ جۇمىس ىستەدىم. بۇل شاعىن، تىنىش پروۆينسيالىق قالا بولاتىن. سول جاعالاۋدا ساياجايلار عانا بولاتىن، ال ۇيلەر ەندى-ەندى سالىنىپ جاتقان. قازىر پرەزيدەنت سارايى مەن كوپىر تۇرعان جەردە مەنىڭ ساياجايىم ورنالاسقان. جاقسى ساياجاي بولاتىن. كەيىن ءبىز كوشىپ كەتتىك. 1997 -جىلى كەلگەندە ساياجاي ءالى تۇردى. ال دامۋ باستالعاندا جاڭا وزگەرىستەردى باقىلاعان قىزىق ەدى. مۇنداي بۇرىن-سوڭدى بولماعان»، - دەيدى بوجكو. «ەكى-ءۇش اپتا قالانى ارالاماساڭ تاڭعالاتىن كەزدەر بولاتىن. ەشتەڭە جوق جەردە ءۇي قابىرعاسى كوتەرىلىپ جاتاتىن. ديناميكا كەرەمەت. سول كەزدە پرەزيدەنت استانادا 270 مىڭ ادام تۇرادى دەسە، ءقازىر ونىڭ سانى ميلليونعا جەتىپ وتىر. كەرەمەت، ادەمى قالا!» - دەيدى ۆلاديمير بوجكو.
قازاقستاندا 6 -شىلدەدە استانا كۇنى تويلانادى. سونىمەن قاتار، ەلباسىمىز نۇرسۇلتان نازاربايەۆتىڭ تۋعان كۇنى.
