جاستار قارا مايور جۇلدەسىن ساراپقا سالدى
تۋرنيردىڭ اشىلۋ سالتاناتىنا كەرىمبايەۆ بوريس توكەن ۇلى، قازاقستان رەسپۋبليكاسىنىڭ ءماجىلىس دەپۋتاتى باحىتبەك سماعۇل، كەڭەس وداعىنىڭ باتىرى نيكولاي يۆانوۆيچ كرەمەنيش، قازاقستان رەسپۋبليكاسىنىنىڭ جانە وبلىستىق اۋعان سوعىسىنىڭ ارداگەرلەر ءتوراعالارى قاتىستى.
اتالعان ءىس- شارا وسكەلەڭ جاس ۇرپاقتى تاربيەلەۋگە، وتانسۇيگىشتىككە باۋلىۋعا، اسكەري قىزمەتتىڭ يميدجىن كوتەرۋگە جانە دە اسكەري سپورتتى دارىپتەۋگە نەگىزدەلگەن.
سايىس بارىسىندا ءماجىلىس دەپۋتاتى باحىتبەك سماعۇل ءتۋرنيردىڭ ماڭىزدىلىعىنا توقتالدى.
«بۇل تۋرنير ەلىمىزدىڭ بارلىق وڭىرىندە اۋعان سوعىسى ارداگەرلەرى مەن جەرگىلىكتى اسكەري مەكەمەلەردىڭ قولداۋىمەن وتكىزىلىپ كەلەدى. بۇعان دەيىن دە ۇلى وتان سوعىسىنىڭ باتىرلارى باۋىرجان مومىش ۇلى، ساعادات نۇرماعامبەتوۆ، ءاليا مولداعۇلوۆا، نيكولاي يۆانوۆيچ كرەمەنيش اتىندا رەسپۋبليكالىق تۋرنيرلەر وتكىزدىك. اتالعان سايىستىڭ باستى ماقساتى، ەلوردامىزدىڭ 20 جىلدىق قارساڭىندا باتىر بابالارىمىزدىڭ ومىرلىك ءىزباسارلارىن دايىنداۋ، جاس بۋىن ازاماتتارىمىزعا ومىرلىك تاجىربيەلەردى ۇيرەتىپ، وتانسۇيگىشتىككە، دوستىققا، تۋىستىققا ەلىمىزدىڭ ۇستانىمىنا، بىرلىگىنە، تاتۋلىعىنا شاقىرۋ جانە دە اسكەري قويان- قولتىق ۇرىسىن نەگىزگە الا وتىرىپ، بولاشاق قايسار دا جىگەرلى وتان قورعاۋشىلاردى دايىنداۋ» - دەيدى دەپۋتات.
سايىسقا ەلىمىزدىڭ ءار وڭىرىنەن كەلگەن «نامىس» ، «پروفي فايت» ، «قاراكەرەي» ، «پاتريوت» ، «جاس ۇلان» ، «بارىس» ، «اقتوبە» ، «باۋىر- د» كلۋبتارى 50, 55, 60, 65, 70, 65+ سالماقتارىندا باقتارىن سىنادى.
50 ك گ سالماقتا I ورىندى «پاتريوت» كلۋبىنىڭ قۇدايبەرگەن ا. ە. , 55 كەلى سالماقتا «پاتريوت» كلۋبىنىڭ ەسيمحانوۆ م. ب. , 60 كەلى سالماقتا «بارىس» كلۋبىنىڭ ەرباتىر ر. ن. , 65 كەلى سالماقتا «بارىس» كلۋبىنىڭ سالاۆاتوۆ ب. ە. , 65+ كەلى سالماعىندا «پاتريوت» كلۋبىنىڭ وماربەكوۆ ا. س. , 70 كەلى سالماقتا «جاس ۇلان» كلۋبىنىڭ دورمەنبايەۆ ءا. د. جەڭىپ الدى.
سايىس سوڭىندا جەڭىمپازدار كۋبوكتار، مەدالدار، ماقتاۋ قاعازدارى جانە باعالى سىيلىقتارمەن ماراپاتتالادى.
Baq.kz
