قوس بىردەي قازاقستاندىق بالۋان گرەك-ريم كۇرەسىنەن الەمدىك رەيتينگتە كوش باستادى

الماتى. قازاقپارات - بىرىككەن كۇرەس الەمى (UWW) ەرەسەكتەر اراسىندا گرەك-ريم كۇرەسىنەن جاڭارتىلعان الەمدىك رەيتينگىن جاريالادى، دەپ حابارلايدى قازاقپارات ءتىلشىسى.

مالىمەتكە ساي، 67 جانە 87 كەلىگە دەيىنگى سالماقتا سايكەسىنشە المات كەبىسپايەۆ پەن حۋسەين مۋتسولگوۆ (52 جانە 37 ۇپايمەن) كوش باستاپ تۇر. سونداي-اق، 55 جانە 72 كەلىگە دەيىنگى سالماقتا حورلان جاقانشا جانە دەمەۋ جادىرايەۆ اتتى جەرلەستەرىمىز ەكىنشى تۇر.

كۇرەستىڭ باسقا تۇرلەرىندە ونەر كورسەتىپ جۇرگەن قازاقستاندىقتار دا جاڭارتىلعان رەيتينگكە ىلىنگەن. ماسەلەن، ەركىن كۇرەس شەبەرى نۇريسلام سانايەۆ (3- ورىن، 24 بال، 61 كەلىگە دەيىنگى سالماق)، داۋلەت نيازبەكوۆ (4- ورىن، 26 بال، 65 كەلىگە دەيىنگى سالماق)، سونداي-اق ەلميرا سىزدىقوۆالار (4- ورىن، 28 بال، 76 كەلىگە دەيىنگى سالماق) ۇزدىكتەر قاتارىنان كورىنگەن.