22:02, 04 - شىلدە 2018 | GMT +5
استانادا مەرەكە كەزىندە كوشەدەگى ساتۋشىلار ءبىرىڭعاي فورماعا كوشەدى
استانا. قازاقپارات - ينۆەستيسيالار جانە كاسىپكەرلىكتى دامىتۋ باسقارماسىنىڭ باستاماسىمەن استانانىڭ 20 جىلدىعىن تويلاۋ كەزىندە كوشپەلى مەرەكەلىك ساۋدا نىساندارىنىڭ ساتۋشىلارى ءبىرىڭعاي كيىم ۇلگىسىنە كوشتى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.
بۇل ساتىپ الۋشىلارعا زاڭدى نەمەسە زاڭسىز ساۋدامەن اينالىسىپ جاتقان ساۋداگەرلەردى اجىراتۋعا، سونداي-اق كيىم تۇسىنە بايلانىستى كاسىپكەرلەردىڭ قانداي قىزمەت ءتۇرىن كورسەتىپ تۇرعانىن اجىراتۋعا مۇمكىندىك بەرەدى.
مىسالى، اسپازدىق ونىمدەردى ساۋدالايتىن ساتۋشىلار اق ءتۇستى فورمامەن شىعادى، كوفە ساتاتىندار - قوڭىر، ال بالمۇزداق ساۋداسىنداعىلار كوك ءتۇستى كيىم ۇلگىسىن كيەدى.
وتكەن جىلدان بەرى «1000 ورىن - كوشە ساۋداسى» باعدارلاماسىنا قاتىسۋشىلار ءبىرىڭعاي كيىم ۇلگىسىنە كوشكەن، وسى جىلى ايماقتىق اۋىلشارۋاشىلىق جارمەڭكەسىنە كەلۋشىلەر دە ءبىرىڭعاي كيىم ۇلگىسىنە كوشەدى.
