20:30, 04 - شىلدە 2018 | GMT +5
وزبەكستان پرەزيدەنتى ءسوز الىپ سويلەگەن ستۋدەنتكە بىردەن باسشىلىق قىزمەت ۇسىندى
استانا. قازاقپارات - وزبەكستان پرەزدەنتى شاۆكات ميرزيەيەۆ 23 جاستاعى ستۋدەنتكە باسشىلىق قىزمەت ۇسىندى.
ەل پرەزيدەنتىنىڭ الدىندا حالىقارالىق ۆەستمينستەر ۋنيۆەرسيتەتىنىڭ 3-كۋرس ستۋدەنتى سايداكبارحون ءسوز سويلەپ، ەلدەگى ءتۋريزمدى دامىتۋ ماسەلەسىن تاجىريبەدە قالاي شەشۋگە بولاتىنىن العا تارتتى.
مەملەكەت باسشىسى جاس جىگىتتىڭ ويىن تىڭداپ، كەيىننەن وعان لاۋازىمدى قىزمەت ۇسىندى. مۇنى ازىلدەپ نە شىن ايتقانى بەلگىسىز.
«مۇنداي ازاماتتار ەلگە كەرەك. ولار يدەيامەن ءومىر سۇرەدى. بار دا جۇمىس ىستە، ساعان كىمدى تاپقانىمدى كوردىڭ بە؟» ، - دەيدى پرەزيدەنت مەملەكەتتىك تۋريزم كوميتەتىنىڭ بۇرىنعى باسشىسى ازيز ابدۋحاكيمگە قاراپ.
ستۋدەنتتىڭ باسشىلىق قىزمەتكە تاعايىندالعانى جونىندە ەش اقپارات رەسمي تۇردە جاريالانعان جوق.
