كۇللى ەۋروپاعا «رادياتسيالىق» قاسقىرلار قاۋىپ ءتوندىرىپ تۇر

 استانا. قازاقپارات - ميسسۋري ۋنيۆەرسيتەتى (ا ق ش) عالىمدارىنىڭ توپشىلاۋىنشا، چەرنوبىل اتوم ەلەكتر ستانساسى اپات بولعان اۋماقتان اۋىپ كەلگەن قاسقىرلار كۇللى ەۋروپاعا قاۋىپ ءتوندىرىپ تۇر.

ناقتىراق ايتقاندا، ەۋروپاداعى تۇقىمداستارىنىڭ گەنىن مۋتاتسياعا ۇشىراتاتىنىن ايتىپ، دابىل قاعىپ وتىر. بۇل جايىندا Daily Mail اقپارات كوزى حابار تاراتتى.

ايتا كەتەيىك، الاپات اپات ورىن العان اۋماقتان ادامدار قالاي كەتتى، سولاي جابايى ءتۇز تاعىسى جايلاپ العان بولاتىن. ادامنان قاۋىپسىز جەردە ءوسىپ-ونگەن تىرشىلىك يەلەرى ەندى ادامزاتتىڭ وزىنە قاۋىپ توندىرۋدە.

ەسەپ بويىنشا، قازىرگى ۋاقىتتا رادياتسيا ايماعىنداعى قاسقىرلار كورشى ورمان-توعايداعى تۇقىمداستارىنا قاراعاندا سانى جەتى ەسە كوپ. جۋىردا عانا رادياتسيالىق ساۋلەنەنۋگە ۇشىراعان 14 قاسقىر قولعا ءتۇسىرىلدى.

islam.kz