قالا كۇنى قۇرمەتىنە استانادا قانداي شارالار وتەدى
شىلدەنىڭ 3 ءى مەن 8 ى ارالىعىندا استانانىڭ 20 جىلدىعىنا وراي قانداي شارالار وتكىزىلەتىنىن نازارلارىڭىزعا ۇسىنامىز.
1 - شىلدەدە استانادا ەلوردانىڭ داڭعىلدارىنىڭ بىرىندە بويشاڭ قۋىرشاقتاردىڭ شەرۋىمەن 2-«قۇرالاي» حالىقارالىق قۋىرشاق تەاترى فەستيۆالى اشىلدى. 3 - شىلدەدە فەستيۆال اياسىندا تۋنيس، بەلگيا، رەسەي ەلدەرىنىڭ ۇجىمدارىنىڭ قويىلىمدارىن، سونداي- اق، ەلوردالىق قۋىرشاق تەاترىنىڭ سپەكتاكلىن تاماشالاۋعا بولادى. ال ەرتەڭ قاتىسۋشىلاردى ماراپاتتاۋ جانە فەستيۆالدىڭ جابىلۋ سالتاناتى وتەدى.
تاۋەلسىزدىك سارايىندا بىردەن بىرنەشە كورمە ءوز جۇمىسىن باستادى. «Astana Evolution» فوتوكورمەسى 8 - شىلدەگە دەيىن ءوز كەلۋشىلەرىن كۇتەدى. كەلەسى كۇنى س. مۇسىرەپوۆتىڭ «جاڭا باستاۋ» جەكە كوركەمسۋرەت كورمەسى اياقتالادى. استانا قالاسىنىڭ «جاستار - استانا بولاشاعى» جاستار بىرلەستىگىمەن بىرلەسە وتكىزىلەتىن كورمە 15 - شىلدەگە دەيىن جالعاسادى.
1 - شىلدە كۇنى «جاستار» سارايىندا ءوز جۇمىسىن باستاعان «مويا ليۋبيمايا ستوليتسا» كورمەسى 6 - شىلدەگە دەيىن وتەدى. ەسكە سالايىق، فوتوكونكۋرسقا نيەت بىلدىرگەندەردىڭ بارلىعى قاتىسا الدى. قورىتىندى كورمەگە قويىلاتىن ەڭبەكتەردى ارنايى كونكۋرستىق كوميسسيا ىرىكتەدى. ۇزدىك سۋرەتتەردىڭ اۆتورلارىنا ەلوردا كۇنى ەستەلىك سىيلىقتار مەن ماراپاتتار تابىستالادى.
4 - شىلدەدە ساعات 17.00 دە «نۇرجول» سۋلى- جاسىل جەلەكجولىندا ەلوردالىق «ASTANAAROUNDUS» فوتوونەر فەستيۆالى اشىلادى. قاتىسۋشىلاردىڭ ەڭبەكتەرىن 31 - شىلدەگە دەيىن كورۋگە بولادى.
17.00 دە ەسىل وزەنىنىڭ جاعالاۋىنداعى امفيتەاتر ساحناسىندا «سەرپەر» وركەسترلەر فەستيۆالىنىڭ- حالىقارالىق شەرۋىنىڭ اشىلۋى وتەدى. ەرتەڭ ساعات 11.00 دەن باستاپ استانالىق جانە ستۋدەنتتىك ساياباقتاردا فەستيۆال قاتىسۋشىلارى مەن ۇجىمدارى قالا تۇرعىندارىنىڭ نازارىنا ءوز كونسەرتتەرىن ۇسىناتىن بولادى. وسى كۇنى ساعات 17.00 دە امفيتەاتر ساحناسىندا شەتەلدىك ۇجىمدار مەن سوليستەردىڭ قاتىسۋىمەن «كۇي كەرۋەن» كون سەرتى وتەدى. فەستيۆال 5 - شىلدەدە «كۇي الەمى» گالا- كونتسەرتىمەن اياقتالادى.
سونىمەن قاتار، بۇگىن ەلوردا اكىمدىگىنىڭ الدىنداعى قالالىق الاڭدا «دابىل» توبى «قۇتتىقتايمىز، استانا!» اتتى كونسەرتىن كوپشىلىك نازارىنا ۇسىنادى.
4 - شىلدەدە « استانا ارقاۋ» حالىقارالىق تۇركى مۋزىكاسى فەستيۆالىنىڭ شىمىلدىعى اشىلادى. فەستيۆال باعدارلاماسىندا بارلىق تۇركى حالىقتارىنىڭ مۋزىكاسى ورىندالادى. اۋتەنتيكالىق (ءتۇپنۇسقالىق) مۋزىكانى ءسۇيىپ تىڭدايتىندار باقسى اندەرىن، حومۋسقا ارنالعان ۆيرتۋوزدىق كومپوزيتسيالاردى، كەڭىردەكپەن ايتىلعان اندەردى، ورتالىق ازيا جانە قازاقستاننىڭ، زاكاۆكازە مەن ءاناتوليدىڭ، پوۆولجە مەن ءسىبىردىڭ تۇركى حالىقتارىنىڭ ليريكالىق اندەرىن تىڭدايدى. ارتيستەر 4 - جانە 5 - شىلدە كۇندەرى «استانا وپەرا» مەملەكەتتىك وپەرا جانە بالەت تەاترىنىڭ كامەرالىق زالىندا ونەر كورسەتەدى.
بۇدان باسقا، ەرتەڭ، 4 - شىلدە كۇنى ساعات 11.00 دە ءداستۇر بويىنشا ەلوردا كۇنىن مەرەكەلەۋدىڭ رەسمي باستاۋى بولىپ سانالاتىن قازاقستان رەسپۋبليكاسىنىڭ مەملەكەتتىك تۋىن كوتەرۋ سالتاناتى وتەدى. وسى كۇنى كەشكە «بارىس ارەنا» مۇزايدىن سارايىندا العاش رەت «ەۋرازيا كۋبوگى» حالىقارالىق كوڭىلدىلەر جانە تاپقىرلار كلۋبىنىڭ ويىنى وتەدى. ك ۆ ن جوعارى ليگاسىنا قاتىسۋشى 7 كوماندا باس جۇلدەنى ساراپقا سالادى: «رۋدن» ، «سويۋز» ، «بورتسى» ، «رايسى» ، «پليۋشكي» ، «رۋسسكايا دوروگا» ، «سپارتا نوماد» . سونىمەن قاتار، شاراعا كۆن پرەمەر- ليگاسىندا قازاقستاننىڭ اتىنان ونەر كورسەتىپ جۇرگەن «قورعالجىن قۇراماسى» كومانداسى دا قاتىسادى. ءازىل- سىقاق كەشىنىڭ جۇرگىزۋشىسىكىشى الەكساندر ماسلياكوۆ.
مۇنىمەن قوسا، «نازار اۋدار» تەاترى دا Nomad city hall سارايىندا وتەتىن ءازىل- سىقاق كەشىنە شاقىرادى.
4 - شىلدەدە ساعات 16.00 دە استانالىق تسيركتە «ازيا جاڭعىرىعى» حالىقارالىق سيرك ونەرى فەستيۆالى باستالادى. 6 - شىلدەگە دەيىن جالعاساتىن ەكى كونكۋرستىق باعدارلامادا الەمنىڭ 12 مەملەكەتىنەن كەلگەن 60 تان اسا تسيرك ءارتيسى ونەر كورسەتەدى.
سونىمەن قاتار، ەرتەڭ ساعات 18.00 دە «استانا» كونتسەرت زالىنىڭ جازعى ساحناسىندا IX «استانا سامالى» حالىقارالىق ۇرمەلى اسپاپتار وركەسترلەرى فەستيۆالىنىڭ اشىلۋى وتەدى. بيىل وعان 7 ۇجىم قاتىسادى، ونىڭ ىشىندە بارناۋل مەن نوۆوسىبىردەن كەلگەن قوناقتار بار.
5 - شىلدەدە ساعات 11.00 دە ستۋدەنتتىك جانە استانالىق ساياباقتاردا قاتىسۋشىلار جەكە نومەرلەرىن كوپشىلىك نازارىنا ۇسىنادى. ال كەشكە «بايتەرەك» مونۋمەنتىنىڭ الدىنداعى الاڭدا بارلىق ۇجىمداردىڭ قاتىسۋىمەن ءداستۇرلى بەند- مارافون وتەدى. 6 - شىلدەدە ساعات 11.00 دە فەستيۆالدىڭ ەڭ جارقىن بولىگى - وركەسترلەر شەرۋى وتەدى. شاراعا قاتىسۋشىلار رەسپۋبليكا داڭعىلىنىڭ بويىمەن اسكەري- تاريحي مۋزەيدەن «جاستار» سارايىنا دەيىن ءجۇرىپ وتەدى. وسى كۇنى ساعات 17.00 دە ۇجىمدار قالالىڭ الاڭدا وتەتىن قورىتىندى پلاتس- كونسەرتتە ونەر كورسەتەدى.
4-6 - شىلدە ارالىعىندا وسى الاڭدا «شاتتىق» حالىقارالىق بالالار شىعارماشىلىعى فەستيۆالى وتەدى.
5 - شىلدەدە ساعات 12.00 دە «اتامەكەن» ەتنو- مەموريالدىق كەشەنىنىڭ جانىندا سالتاناتتى نەكە قيۋ ءراسىمى وتەدى. وسى كۇنى ادەتتەگىدەي، ونداعان جۇپ شاڭىراق كوتەرەدى. جاس جۇبايلارعا ەستەلىك سىيلىقتار تابىستالىپ، ىزگى تىلەكتەر ايتىلادى.
وسى كۇنى ساعات 10.00 دە اباي ەسكەرتكىشىنىڭ جانىنداعى الاڭدا كىتاپ وقىرماندارى مەن پوەزيا ونەرىن باعالاۋشىلار «اباي رۋحى جاڭعىرعان ۇلى دالا - استانا!» كىتاپ پەن پوەزيا مەرەكەسىنە قاتىسادى. مەرەكەلىك باعدارلاما اياسىندا «مەنىڭ قولتاڭبام» پوەزيالىق جەكپە- جەگى، «ۆەليچاۆايا ستوليتسا، استانا!» تەاترلاندىرىلعان قويىلىمى، ادەبي فاەتون، «كەل، وقيىق» اتتى بي شوۋى، «استانا - باعى بيىك اسقارىمسىڭ» كىتاپ- ءيلليۋستراتيۆتى ەكسپوزيتسياسى، سونداي- اق «ۆرەميا چيتات» پرومو- اكتسياسى ۇيىمادستىرىلادى.
كەشكە ساعات 19.00 دە «استانا» كونتسەرت زالىندا فرانسۋز ديريجەرى فيليپپ يۋيدىڭ قاتىسۋىمەن سيمفونيالىق وركەستردىڭ «گوفماننىڭ ەرتەگىلەرى» اتتى كونسەرت وتەدى.
5 - جانە 6 - شىلدەدە «جاستار» سارايىنىڭ جازعى ساحناسىندا استانا قالاسى اكىمىنىڭ كۋبوگىنا كاراوكەدەن «ءبارى دە ءان سالادى» اشىق قالالىق چەمپيوناتى وتەدى.
مۇنىمەن قوسا، قالالىق الاڭدا «nternational Street dance Session in Astana» حالىقارالىق كوشە ءبيى فەستيۆالى اشىلادى. قاتىسۋشىلار 6 - شىلدەگە دەيىن ونەر كورسەتەدى.
ادەتتەگىدەي، مەرەكە كۇندەرى قالالىق ساياباقتار دا بەلسەندى جۇمىس ىستەيدى. 5 - شىلدەدە ساعات 15.00 دە، 6 شىلدەدە ساعات 13.00 دە جانە 7 - شىلدەدە ساعات 13.00 دە جانە 20.30 دا ستۋدەنتتىك، جەرۇيىق ساياباقتارىندا «ەلوردا جۇرەگىمدە» كونتسەرتتەرى كوپشىلىك نازارىنا ۇسىنىلادى.
سونىمەن قاتار، 6 - جانە 7 - شىلدەدە ەلوردا تۇرعىندارى مەن قوناقتارىن Nomad city hall سارايىنا «ءازىل الەمى» ءازىل- سىقاق كەشىنە شاقىرامىز.
شىلدەنىڭ 6- مەن 8- ءى ارالىعىندا «بايتەرەك» مونۋمەنتىنىڭ الدىنداعى الاڭدا «Spirit of Astana» حالىقارالىق فەستيۆالى وتەدى. ءۇش كۇن بويى ساحنا تورىندە 18 ۇجىم، ياعني 120-دان اسا مۋزىكانت ونەر كورسەتەدى. بيىل فەستيۆالگە الەمنىڭ 20 مەملەكەتى قاتىسادى.
6 - شىلدەدە «استانا» كون سەرت زالىندا ك س ر و حالىق ءارتيسى، سوتسياليستىك ەڭبەك ەرى، اكادەميك بيبىگۇل تولەگەنوۆا استاناعا مەرەكەلىك مۋزىكالىق تارتۋ جاسايدى. اڭىزعا اينالعان ءانشىنىڭ جەكە كونسەرتى كەشكى ساعات 18.00 دە باستالادى.
استانانىڭ 20 جىلدىعى ورايلاستىرىلعان ءىس- شارالاردىڭ شارىقتاۋ شەگىندە «قازاق ەلى» مونۋمەنتىنىڭ الدىنداعى الاڭدا قازاقستاندىق جانە شەتەلدىك ارتيستەردىڭ قاتىسۋىمەن گالا- كونسەرت وتكىزىلەدى بەس ساعاتتىق مۋزىكالىق شوۋ اشىق اسپان استىندا وتەدى جانە ونى كورەم دەۋشىلەرگە ەسىك اشىق. قايرات نۇرتاس، ءمادينا ءسادۋاقاسوۆا، قاراقات ءابىلدينا، ارداق بالاجانوۆا، قايرات باەكەنوۆ جانە «فورمات» توبى جانە باسقالارى استانانى تۋعان كۇنىمەن قۇتتىقتايدى. كەش حەدلاينەرلەرى - قازىرگى زامانعى مۋزىكانىڭ ك- پوپ باعىتىنىڭ جارقىن وكىلدەرى Ninety One جانە وڭتۇستىككورەيالىق Boyfriend توپتارى. سونداي- اق، ەلوردا تۇرعىندارى مەن قوناقتارى 1998 -جىلى قازاقستاننىڭ جاڭا ەلورداسىن بارشا الەمگە تانىستىرۋ راسىمىنە قاتىسقان «نا- نا» توبىنىڭ ونەرىن تاماشالايدى. بۇدان باسقا، كونسەرت كورەرمەندەرى مەرەكەلىك وتشاشۋ تاماشالايدى. بيىل وتشاشۋ 6 - شىلدە كۇنى بەيبىتشىلىك جانە كەلىسىم سارايى اۋماعىندا بولادى. گالا- كونسەرت پەن مەرەكەلىك وتشاشۋ «حابار» تەلەارناسىنان تىكەلەي ەفيردە ترانسلياتسيالانادى. باستالۋى ساعات 20.00 دە.
7 - شىلدە كۇنى ساعات 19.00 دە قالالىق الاڭدا يتاليالىق «FORWARD» دجاز كۆارتەتى ونەر كورسەتەدى. ءبىر ساعاتتان كەيىن وسى جەردە «مۋزىكا ەنەرگياسى» كونسەرتى وتەدى. اتالمىش شارا 8 - شىلدە كۇنى دە وسى ۋاقىتتا وسى جەردە وتەتىن بولادى.
شىلدەنىڭ 10 ىمەن 30 ى ارالىعىندا «بايتەرەك» مونۋمەنتىنىڭ الدىنداعى الاڭدا Ⅱ«FOTOfest.KZ» حالىقارالىق فەستيۆالى جۇمىس ىستەيدى.
20 - شىلدەدە كەشكە «جاستار» سارايىنىڭ ساحناسىندا مۇگەدەك بالالار اراسىندا «پويۋشيە رۋكي» فەستيۆالى وتەدى.
شىلدەنىڭ 27 ءسى مەن 29 ى ارالىعىندا ادەتتەگىدەي، بارد انشىلەر قاراعاندى تاسجولىنىڭ 17 شاقىرىمىندا «پريچال» موتەلىنىڭ اۋماعىندا «استانا-2017» اۆتورلىق اندەر فەستيۆالىندە باس قوسادى.
سپورتقا اۋەس جاندار ءۇشىن دە قىزىقتى شارالار ۇيىمداستىرىلادى. مەرەكەلىك مادەني، كون سەرتتىك باعدارلامالاردان باسقا ءتۇرلى سپورت تۇرلەرىنەن جارىستار وتكىزىلەدى.
4-9 شىلدەدە «الاۋ» مۇزايدىن سارايى اۋماعىندا وق اتۋدان استانا قالاسىنىڭ اشىق چەمپيوناتى وتەدى.
4 - جانە 5 - شىلدەدە «ۆاۆيلون» فيتنەس ورتالىعىندا سپورتشىلاردى كۋنگ- فۋدان استانا قالاسىنىڭ اشىق چەمپيوناتىنا شاقىرامىز. وسى كۇندەرى «اراي» ساياباعىندا ۆەلوسپورتتان ەلوردا چەمپيوناتى وتەدى.
شىلدەنىڭ 6 سى مەن 8 ى ارالىعىندا «داۋلەت» سپورت كومبيناتىندا بالالار، جاسوسپىرىمدەر جانە ارداگەرلەر اراسىندا شينكيوكۋشينكاي كاراتەدەن ق ر چەمپيوناتى ۇيىمداستىرىلادى.
6 - شىلدەدە ساعات 14.00 دە «قازانات» اتشابارىندا بايگەدەن «استانا كۋبوگى» جارىسى ۇيىمداستىرىلادى.
22 - شىلدەدە ساعات 10.00 دە ترياتلون پاركتە «استانا ترياتلون» اشىق قالالىق ءتۋرنيرى وتەدى. 8 - قىركۇيەكتە وسى جەردە وتباسىلىق دۋاتلون ۇيىمداستىرىلادى.
