تالدىقورعاندىق انسامبل حالىقارالىق جارىستا باس جۇلدەنى جەڭىپ الدى

 تالدىقورعان. قازاقپارات - گرۋزيانىڭ باتۋمي قالاسىندا وتكەن بي دوداسىندا «تالدىقورعان اۋەندەرى"» حالىقتىق فولكلورلى- ەتنوگرافيالىق ءان- بي ءانسامبلى باس جۇلدەنى قانجىعالادى.

 23 مەملەكەتتەن جينالعان 300 قاتىسۋشىنىڭ اراسىنان سۋىرىلىپ شىعىپ، ەلىمىزدىڭ اتىن اسقاقتاتقان ونەر ۇجىمى بۇگىن ەلگە ورالدى، دەپ حابارلايدى قازاقپارات ءتىلشىسى.

جەڭىمپازداردى ارىپتەستەرى مەن اكىمدىك قىزمەتكەرلەرى قالانىڭ كىرەبەرىسىندە قۇرمەتپەن قارسى الدى.

«ءبىز باتۋمي قالاسىندا 29 - ماۋسىم مەن 1 - شىلدە ارالىعىندا ونەر كورسەتىپ قايتتىق. گران- پريمەن قوسا، بارلىق قاتىسۋشىلار ىشىنەن مىقتىسىن تاڭدايدى ەكەن. ءۇشىنشى ورىن - ۋكراينا، ەكىنشى ورىن - مالايزيا، ءبىرىنشى ورىن - گرۋزياعا بۇيىرسا، بىزگە، ياعني، قازاقستانعا ۇيىمداستىرۋشىلار تاراپىنان گران- پري جانە كۋبوك تابىستالدى. ءبىزدىڭ باعىمىزدى جاندىرىپ، باعامىزدى كوتەرگەن - بۇل قازاقتىڭ ۇلتتىق بيلەرى «تۇران» ءبيى مەن «دالا سارىنى» بولدى. بايقاۋعا بارىپ- قايتۋىمىزعا قولداۋ بىلدىرگەن قالا اكىمى داستان شالتابايەۆقا العىسىمىزدى بىلدىرەمىز» ، - دەدى « اۋەندەرى» حالىقتىق فولكلورلى- ەتنوگرافيالىق ءان- بي ءانسامبلىنىڭ جەتەكشىسى مەدەت تۇزبايەۆ.

«تالدىقورعان اۋەندەرى» حالىقتىق فولكلورلى- ەتنوگرافيالىق ءان- بي ءانسامبلى 2011 -جىلى قۇرىلعان. ونەر ۇجىمى بىلتىر سوچي قالاسىندا وتكەن حالىقارالىق بايقاۋعا قاتىسىپ، 10 مەملەكەتتىڭ اراسىنان باس جۇلدە جانە I- ورىندى يەلەنگەن بولاتىن.