بۇكىل الەمدىك بوكس قاۋىمداستىعىنىڭ باسشىلىعى استاناعا بەيبىت شۇمەنوۆتىڭ تيتۋلدىق جەكپە-جەگىنە كەلدى

استانا. قازاقپارات - قازاقستاندىق بەيبىت شۇمەنوۆتىڭ استاناداعى بوكس كەشىنە كەلەتىن رەسمي تۇلعالاردىڭ ءتىزىمى انىقتالدى، دەپ حابارلايدى قازاقپارات ءتىلشىسى.

ەسكە سالايىق، 7- شىلدە كۇنى ەلوردادا كاسىپقوي بوكسشى بەيبىت شۇمەنوۆ WBA- ءدىڭ ءبىرىنشى اۋىر سالماقتاعى الەم چەمپيونى اتاعى ءۇشىن تۇركيالىق حيزني التىنكايامەن قولعاپ تۇيىستىرەدى.

بەيبىت شۇمەنوۆتىڭ PR- مەنەدجەرى حابارلاعانداي، كەشتىڭ قۇرمەتتى قوناقتارى رەتىندە WBA- ءدىڭ بارلىق باسشىلىعى - ۇيىم پرەزيدەنتى جيلبەرتو حەسۋس مەندوسا، ۆيتسە- پرەزيدەنت حوسە وليۆەر، ۇيىم ديرەكتورلارى - دجوردجە مارتينەس، كارلوس چاۆەس، ماريانا بوريسوۆا استاناعا كەلەدى. WBA اتىنان رينگتەگى رەفەري توني ۋيكس بولادى، تورەشىلەر - لەشەك يانكوۆياك، ستەفانو كاروززا، راۆەل كارديني. كەشتى مايك ماركحام جۇرگىزەدى (ring annوuncer).

سونداي-اق ەلورداعا WBA- ءدىڭ PR- قىزمەتى، تەلەپروديۋسەرلەرى مەن باپكەرلەر قۇرامى كەلەدى.

WBA ديرەكتورلار كەڭەسىنىڭ وتىرىسى وتەتىنى جوسپارلانعان.

بۇعان دەيىن قازاقستاندىق بوكسشى الەم چەمپيونى اتاعىن جەڭىپ العان بولاتىن، ءبىراق جاراقاتىنا بايلانىستى بوكستان قول ۇزۋىنە تۋرا كەلگەن. قازىر شۇمەنوۆ بۇكىل الەمدىك بوكس قاۋىمداستىعىنىڭ رەيتينگىندە - ەكىنشى، ال ونىڭ قارسىلاسى التىنكايا ءۇشىنشى ورىندا تۇر.

سونداي-اق، بوكس كەشىندە ا ق ش- تان شاقىرىلعان ارنايى قوناقتار - 50 Cent پەن Snoop Dogg ءان شىرقايدى.

«بارىس ارەنا» مۇز سارايىندا وتەتىن بوكس كەشى اياسىندا 11 كەزدەسۋ بولادى. ونىڭ سەگىزىن «Qazaqstan» جانە «Qazsport» تەلەارنالارى تىكەلەي ەفيردەن كورسەتەدى. تىكەلەي كورسەتىلىم 7- شىلدە كۇنى 14:00 دە باستالادى.