حالىقارالىق «استانا» قارجى ورتالىعىنىڭ قاتىسۋشىلارى قانداي ۆاليۋتا پايدالانادى
بۇل تۋرالى بۇگىن Astana Finance Days سەسسياسىندا ق ر پرەمەر- ءمينيسترى باقىتجان ساعىنتايەۆ ايتتى، دەپ حابارلايدى قازاقپارات ءتىلشىسى.
ۇكىمەت باسشىسىنىڭ ايتۋىنشا، ا ح ق و- نىڭ تاۋەلسىز قۇزىرەتى بولادى. دۇنيەجۇزىنىڭ بارلىق قارجى ورتالىقتارىنداعى سياقتى قۇقىق جانە سوت جۇيەسى اعىلشىندىق جالپى قۇقىق پرينتسيپتەرىن ۇستانادى.
«اربيتراج ورتالىعى، حالىقارالىق قارجى سوتى جانە تاۋەلسىز قارجىلىق رەتتەۋشى رەتىندە قارجى قىزمەتتەرىن رەتتەۋ جونىندەگى كوميتەت قۇرىلدى. اتالعان بارلىق قۇرىلىمداردى الەمگە تانىمال تاجىريبەلى زاڭگەرلەر باسقارادى. قۇرمەتتى سەر ۆۋلف جانە قۇرمەتتى سوت مۇشەلەرى، دجادج حانىم، دومان حانىم، مەن سىزدەرگە قازاقستان رەسپۋبليكاسىنىڭ شاقىرۋىن قابىل العاندارىڭىز ءۇشىن جانە سىزدەر شىن مانىندە الەمدىك قارجى جۇيەسىنىڭ جاڭا ەلەمەنتى رەتىندە استانا حالىقارالىق قارجى ورتالىعىنىڭ نەگىزىن سالۋشىلاردىڭ ءبىرى بولعاندارىڭىز ءۇشىن شىن جۇرەكتەن العىس ايتامىن»، - دەدى باقىتجان ساعىنتايەۆ.
ونىڭ اتاپ وتۋىنشە، ا ح ق و ورگاندارى مەن قاتىسۋشىلارى، سونداي- اق ولاردىڭ قىزمەتكەرلەرى سالىق تولەمدەرىنەن 50 جىلعا بوساتىلادى. ولار - قارجىلىق جانە قوسىمشا قىزمەتتەردەن تۇسەتىن كىرىستەرگە كورپوراتيۆتى تابىس سالىعى، جەكە تابىس سالىعى، جەر سالىعى جانە مۇلىك سالىعى.
«ا ح ق و قاتىسۋشىلارى ا ح ق و بيرجاسىنىڭ كەلىسىمشارتتارى مەن ەرەجەلەرىندە قاراستىرىلعان كەز كەلگەن ۆاليۋتانى پايدالانا الادى. 65 ەلدىڭ ازاماتتارى، ونىڭ ىشىندە ە ى د ۇ بارلىق ەلدەرى ءۇشىن ۆيزاسىز كەلۋ ەنگىزىلدى. ا ح ق و ورگاندارىنىڭ قىزمەتكەرلەرى مەن قاتىسۋشىلارى جانە ولاردىڭ وتباسىلارىنىڭ مۇشەلەرى ءۇشىن 5 جىلعا دەيىن مەرزىمگە ارنايى ۆيزالىق رەجيم قاراستىرىلدى. كولىكتىك قولجەتىمدىلىگى كەڭەيتىلدى. بۇگىندە استانا تىكەلەي اۋە قاتىناسى ارقىلى الەمنىڭ 9 قارجى ورتالىعىمەن بايلانىسادى. الداعى ءبىر، ءبىر جارىم جىل ىشىندە كەزەڭ- كەزەڭمەن جاڭا حالىقارالىق رەيستەر اشىلاتىن بولادى: سينگاپۋر، توكيو، نيۋ- ي̆ورك جانە تاعى باسقالارى. وسىلايشا، قازىرگى تاڭدا حالىقارالىق قارجى ورتالىعىنىڭ بىرەگەي جۇمىس مەحانيزمى قۇرىلدى»، - دەدى ول.
اۆتور: مارلان جيەمباي
