09:41, 04 - شىلدە 2018 | GMT +5
ەلورداعا ءار ءوڭىردى ەسكە سالاتىن ورىندار قاجەت - ق ر پرەزيدەنتى
استانا. قازاقپارات - مەملەكەت باسشىسى استانانىڭ 20 جىلدىعىن مەرەكەلەۋ تۋرالى ايتتى. بۇل تۋرالى قازاقپارات اقوردانىڭ ينستاگرامداعى پاراقشاسىنا سىلتەمە جاساپ حابارلايدى.
«قازىر قازاقستاننىڭ بارلىق وڭىرلەرى استانانىڭ 20 جىلدىعىن تويلاۋعا قاتىسىپ، قالاعا سىي جاساۋدا. ساياباقتار، جاڭا كوشەلەر، مەكتەپتەر، بالاباقشالار سالىپ بەرىپ جاتىر. ولارعا ۇلكەن راحمەت، سەبەبى بۇل ءبىزدىڭ وتانىمىزدىڭ، بارلىق قازاقستاندىقتاردىڭ استاناسى جانە ەلوردامىزدا ءار ءوڭىردى ەسكە سالاتىن ورىندار بولۋى ءتيىس. قاراپ تۇرساڭىزدار، كوشەلەرگە دە ايماقتاردىڭ اتتارىن بەرىپ جاتىرمىز. بۇل وتە دۇرىس. وعان قوسا، قازىر مۇندا قازاقستاننىڭ بارلىق وڭىرىنەن ادامدار جينالىپ جاتىر»، - دەپ اتاپ ءوتتى نۇرسۇلتان نازاربايەۆ.
