قالىڭدىق كۇيەۋ جىگىتىنىڭ نايزاعايدان قورىققانىن كورىپ سونشا دايىندالعان تويىنان باس تارتتى

 استانا. قازاقپارات - ءۇندىستان تۇرعىنى نەكە قيۋ راسىمىندە كۇيەۋ جىگىتىنىڭ نايزاعايدان قورقىپ قالعانىن كورىپ، وعان تۇرمىسقا شىعۋدان باس تارتتى.

بۇل تۋرالى The Mirror حابارلادى، دەپ جازادى Stan.kz اقپاراتتىق اگەنتتىگى.

وقيعا ءۇندىستاننىڭ شىعىسىنداعى بيحار شتاتىندا بولدى. قالىڭدىق ۇيلەنۋ ۋادەسى كەزىندە كۇيەۋ جىگىتىنىڭ «ءبىر ءتۇرلى ارەكەتىنەن» كەيىن وعان تۇرمىسقا شىعۋعا ويلانىپ قالدى. كۇيەۋ جىگىت نەكە قيۋ راسىمىندە جاقىن ماڭعا تۇسكەن نايزاعايدىڭ سوققىسىن كورىپ، ءوزىن ءبىر ءتۇرلى ۇستاعان. بولاشاق جارىنىڭ بۇل ارەكەتىن ۇناتپاعان قالىڭدىق وعان تۇرمىسقا شىعۋدان ءۇزىلدى- كەسىلدى باس تارتتى.

ءدىني قىزمەتكەر ۇيلەنۋ تويىنىڭ كەيبىر جورالعىلارىن ورىنداپ قويعاندىقتان كۇيەۋ جىگىتتىڭ تۋىستارى قىزدىڭ شەشىمىنە نارازىلىق بىلدىرە باستادى. ءبىراق، كۇيەۋ جىگىتتىڭ قورقاقتىعىن ۇناتپاعان قالىڭدىقتىڭ جاقىندارى دا قىزدارىنىڭ ءسوزىن سويلەپ، قۇدالارىنا شابۋىل جاسادى. سونشا ۋاقىت كۇتكەن ۇيلەنۋ تويى اقىرى توبەلەسپەن اياقتالدى. سونداي- اق، بۇل وقيعانىڭ ناتيجەسىندە قالىڭدىقتىڭ ءۇش تۋىسى قاماۋعا الىندى.

Stan.kz