جيىرما جىل ىشىندە استانا قۇرىلىسىنا قانشا قاراجات جۇمسالعانى انىقتالدى

استانا. قازاقپارات - ق ر پرەمەر-ءمينيسترى باقىتجان ساعىنتايەۆ قازاقستاندىقتاردى كەلە جاتقان استانا كۇنىمەن قۇتتىقتادى.

ۇكىمەت وتىرىسىنىڭ باسىندا باقىتجان ساعىنتايەۆ مينيسترلەر كابينەتىنە مەرەكەنىڭ كەلە جاتقانىن، قازاقستاننىڭ دامۋى ەلوردانىڭ دامۋىمەن تىعىز بايلانىستى ەكەنىن ەسكە سالدى. «مۇنداي تاعدىرشەشتى ساتتە استانا بۇگىنىمىزدىڭ سيمۆولى. مۇنداي جوبا مەملەكەت باسشىمىزدىڭ باستاماسىنىڭ ارقاسىندا دامىدى، مۇنىڭ بارلىعى حالقىمىزدىڭ عاسىرلاردان بەرگى ارمانى»، - دەدى ۇكىمەت باسشىسى. سونداي-اق، ۇكىمەت باسشىسى استانانىڭ قازىرگى ۋاقىتتا باسەكەگە قابىلەتتى دامىعان قالا ەكەنىن ايتتى.

«20 جىل ىشىندە قالا ەكونوميكاسى 97 -جىلمەن سالىستىرعاندا 2018 -جىلى 5,3 تريلليون تەڭگەگە جەتتى. 20 جىل بۇرىنعى ينۆەستيسيا كولەمى 50 ەسە ءوستى. بيۋدجەتتىك ەمەس ينۆەستيسيالار 80 پايىز بولدى. 20 جىل ىشىندە استانا قۇرىلىسىندا 2,3 تريلليون تەڭگە جۇمسالدى، ياعني استانانىڭ دامۋىنا جۇمسالعان مەملەكەت بيۋدجەتى 3 ءۇش ەسە ءوسىپ قايتتى»، - دەدى باقىتجان ساعىنتايەۆ.

«سونىمەن قاتار، استانا جاھاندىق حالىقارالىق شارالاردى وتكىزۋ ورتالىعى. مۇنىڭ بارلىعى مەملەكەت باسشىسىنىڭ جەمىستى ەڭبەگىنىڭ ناتيجەسى. بارلىعىمىز ءوز ۇلەسىمىزدى قوسۋىمىز كەرەك، بارلىعىڭىزدى تاعى دا قۇتتىقتايمىن»، - دەدى ول.

بۇل تۋرالى Tengrinews.kz حابارلادى.