وزىنەن ون جاس كىشى فۋتبولشىنىڭ باسىن اينالدىرىپ العان ارۋ كىم؟

 استانا. قازاقپارات - فۋتبول الەمىنىڭ جارقىن جۇپتارىنىڭ ءبىرى جەرار پيكە مەن شاكيرانىڭ ماحاببات حيكاياسى دا جاسىل الاڭنان باستاۋ الدى.

قوس عاشىق ءانشىنىڭ الەم چەمپيوناتىنا ارنالعان بەينەبايانىنىڭ تۇسىرىلىمىندە تانىسىپ، ءبىر كورگەنننەن عاشىق بولىپ قالعان. ولارعا ءتىپتى، ۇلكەن جاس ايىرماشىلىعى دا كەدەرگى كەلتىرمەگەن دەپ حابارلايدى NUR. KZ.

كولۋمبيالىق ءانشى مەن فۋتبولشىنىڭ العاشقى تانىستىعى 2010-جىلى Waka Waka اتتى ءانىنىڭ بەينەبايانى كەزىندە ورىن العان.

بويى ۇزىن فۋتبولشىنىڭ ويىنىنا ءتانتى بولعان ارۋ سول كەزدەگى سۇيىكتىسىن تاستاپ، وزىنەن ون جاس كىشى پيكەمەن كوڭىل قوستى. شاكيرا ارگەنتينا ەكس-پرەزيدەنتىنىڭ ۇلىمەن اراداعى قارىم-قاتىناستى ۇزە سالا، ەكى ايدان كەيىن تۋعان كۇنىن پيكەنىڭ قۇشاعىندا وتكىزگەن.

ەڭ قىزىعى، عاشىقتار ءبىر كۇنى تۋىلعان. ەكەۋىنىڭ دە تۋىلعان كۇنى ەكىنشى اقپاندا بولىپ شىقتى.

جاستار ءوز قارىم-قاتىناستارىن ۇزاق ۋاقىت بويى جاسىرىپ كەلدى. الايدا، قالىڭ كوپشىلىك بۇلاردىڭ ارالارىندا ءبىر نارسە بارىن بىردەن-اق سەزدى.

بولجامداردىڭ بارىنە ءانشىنىڭ ءوزى نۇكتە قويدى. ول ءوزىنىڭ الەۋمەتتىك جەلىسىندەگى پاراقشاسىنا پيكەمەن تۇسكەن سۋرەتتى جۇكتەپ، استىنا «تانىس بولىڭىزدار، مەنىڭ كۇنىم» دەگەن جازبا قالدىردى.

بارلىعى جاقىندا بولار تويدى كۇتكەنىمەن، ولار ءالى دە زاڭدى نەكەگە تۇرماعان. عاشىقتارعا قۇجاتتى نەكە قىزىقتىرمايتىن كورىنەدى.

ەلەۋلى تۇردە سەزىلەتىن جاس ايىرماشىلىقتارىنا قاراماستان، بۇل جۇلدىزدى جۇپ ءالى دە بىرگە باقىتتى عۇمىر كەشۋدە. ەرلى-زايىپتىلاردىڭ ميلان جانە ساشا دەگەن ەكى ۇلدارى بار.

جىل سايىن ولاردىڭ اجىراسۋى جونىندە شىعاتىن قاۋەسەتتەر عاشىقتاردى قىزىقتىرماسا كەرەك.

شاكيرا «بارسەلونا» قورعاۋشىسىنىڭ ايەلى بولماي تۇرىپ، «رەال مادريد» جانكۇيەرى بولعان. الايدا، ول ماحاببات ءۇشىن ۇلكەن ەرلىككە بارعان. ءانشى تەك قانا سۇيىكتى كومانداسىن ەمەس، تۇراتىن ەلىن دە اۋىستىردى.