قازاقستانداعى «الماتى-قاپشاعاي» تاس جولى ەڭ قاۋىپتى جول بولىپ شىقتى
بۇل تۋرالى Neoline كومپانياسىنىڭ باسپا ءسوز قىزمەتى حابارلايدى.
ساۋالناماعا قاتىسقانداردىڭ شامامەن 55 پايىزى «الماتى-قاپشاعاي» تاس جولىنىڭ قازاقستانداعى ەڭ قاۋىپتى جولداردىڭ ءبىرى ەكەنىن كورسەتكەن. ونى پوليتسيا مالىمەتى دە راستايدى: قاپشاعاي تاس جولىنا ۇنەمى ج ك و بولىپ، سالدارىنان ونداعان جۇرگىزۋشى مەن جاياۋ جۇرگىنشىلەر كوز جۇمادى ەكەن.
اتالعان تىزىمدەگى ەكىنشى ورىننان «بالقاش-قاراعاندى» تاس جولى كورىندى. ساۋالناماعا قاتىسقانداردىڭ 23 پايىزى اتالعان جولدىڭ قاۋىپتى ەكەنىن ايتقان. ول جول جاعدايىنىڭ ناشارلىعىمەن بايلانىستى. جۇرگىزۋشىلەردىڭ سوزىنشە، اتالعان جولدا شۇڭقىرلار كوپ كورىنەدى. الايدا قازاقستان بيلىگى 2020-جىلعا دەيىن تاس جولدى كەزەڭ كەزەڭمەن جوندەۋگە ۋادە بەرگەن ەدى.
سونداي ساۋالناماعا قاتىسقانداردىڭ 9 پايىزى «شىمكەنت-تۇركىستان» تاس جولىنىڭ قاۋىپتىلىگىن كورسەتكەن. وزگە جۇرگىزۋشىلەر وڭتۇستىك قازاقستان، اتىراۋ وبلىستارى ارقىلى وتەتىن تاس جولداردى اتاعان.
ءوز كەزەگىندە ەڭ قاۋىپسىز جولدار تىزىمىندە «كوكشەتاۋ-استانا» تاس جولى كوش باستادى. وعان ساۋالناماعا قاتىسقان قازاقستاندىق تۇرعىنداردىڭ 40 پايىزى داۋىس بەرگەن.
