17:31, 02 - شىلدە 2018 | GMT +5
نازاربايەۆ ەلوردانىڭ سول جاعالاۋىنداعى الماتى ۇسىنعان جاڭا بالاباقشانى اشتى
استانا. قازاقپارات - ق ر پرەزيدەنتى نۇرسۇلتان نازاربايەۆ استانادا جاڭادان اشىلعان «Almaty balabaqshasy» بالاباقشاسىنا باردى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.
ەلباسى استانا قالاسىنىڭ سول جاعالاۋىندا ورنالاسقان 240 ورىندىق جاڭا بالاباقشانى ارالاپ كوردى. بۇل ءبىلىم مەكەمەسىندە بالالار شىعارماشىلىعىن دامىتىپ، ولاردىڭ دەمالىسىن ۇيىمداستىرۋ ءۇشىن مۋزىكا زالى مەن ويىن الاڭدارى بار.
ايتا كەتەرلىگى، «Almaty balabaqshasy» بالاباقشاسى 12 توپتان تۇرادى. ءاربىر توپتىڭ الماتى قالاسىمەن بايلانىستى تاقىرىپتىق اتاۋلارى بار. بالاباقشا ينتەرەرىنىڭ ديزاينى الماتىنىڭ بەلگىلى كوشەلەرىمەن جانە داڭعىلدارىمەن تانىسۋعا، سونداي-اق قالا تاريحى جونىندە ماعلۇمات الۋعا مۇمكىندىك بەرەدى.
