قازاقستاننىڭ ءار ءوڭىرى استانانىڭ مەرەيتويىنا قانداي سىيلىق تارتۋ ەتتى
قاراعاندى وبلىسىنىڭ سىيلىعى
«وڭىرلەردىڭ استاناعا تارتۋى» جوباسى اياسىندا قاراعاندى وبلىسى ەلورداعا ءبىر ەمەس ەكى سىيلىق تارتۋ ەتتى. ەندى استانالىقتار قاراعاندى وبلىسىنىڭ اتىنان سالىنعان «قازاق ەلىنە مىڭ العىس» ەسكەرتكىشى مەن « ۇلىتاۋ» اللەياسىندا سەرۋەندەي الادى. ەكى نىساننىڭ تۇساۋكەسەرى اعىمداعى جىلدىڭ 2 - شىلدەسىندە ءوتتى.
ماڭگىلىك ەل داڭعىلىندا بوي كوتەرگەن ماڭىزدى نىساننىڭ قۇرىلىسىنىڭ دا بىتۋىنە از قالدى.
جاڭا اسفالت، تاستار، روتوندار، شامدار جانە ورىندىقتار ورناتىلعاننان كەيىن اشىق اسپانداعى مۇراجاي دا دايىن بولادى.
قاراعاندى وبلىسىنىڭ ساۋلەت جانە قالا قۇرىلىسى باسقارماسى باستىعىنىڭ مىندەتىن اتقارۋشى تايحان قالماحانوۆ «قازاق ەلىنە مىڭ العىس» ەسكەرتكىشى مەن « ۇلىتاۋ» اللەياسىنىڭ استانالىقتارعا ۇنايتىنىنا سەنىمدى.
ۇزىندىعى 250 مەتر، ەنى 55 مەتر بولاتىن « ۇلىتاۋ» اللەياسى تۇركىستان كوشەسى مەن ماڭگىلىك ەل داڭعىلىنداعى «تريۋمفالنىي اركانىڭ» بويىندا ورنالاسقان.
ال، «قازاق ەلىنە مىڭ العىس» مونۋمەنتىنە كەلسەك، بۇل ءتورت مۇسىندىك كومپوزيتسيانىڭ 4 مۇسىندىك قۇرامى. ەسكەرتكىشتىڭ جالپى بيىكتىگى 13,35 مەتردى قۇرايدى (ونىڭ ىشىندە: ەسكەرتكىش 7,0 م، پەستانتسيا - 6,35 م) .
«ەسكەرتكىش رەپرەسسيا كەزىندە بوسقىن بالالاردى، ياعني كورەي جانە كاۆكاز ۇلتىنىڭ بالالارىن، سونداي- اق ەۋروپالىق قىزدى قامقورلىعىنا العان قازاق ايەلىن بەينەلەيدى.
قالماحانوۆتىڭ ايتۋىنشا، جوبا كولەمى جارتى ميللياردتان استام تەڭگەنى قۇرادى. جۇمىستا قاراعاندىلىق «قازاقمىس» كورپوراتسياسى جانە قازاقستاندىق كوممۋنالدىق جۇيەلەر كومپانياسى (ك ك س) دەمەۋشىلىك كورسەتكەن.
سونداي- اق، قالماحانوۆتىڭ ايتۋىنشا، استانادا اللەيا مەن مونۋمەنت ءۇشىن تاماشا ورىن ءبولىندى، وندا ادامدار تەك دەمالىپ قانا قويماي، قازاقستاننىڭ تاريحىمەن دە تانىسا الادى.
الماتى وبلىسىنىڭ سىيلىعى
سونىمەن قاتار، باسقا وڭىرلەر دە استانالىقتاردى قۋانتۋدا شەتتە قالمادى. استانانىڭ مەرەيتويى وراي الماتى وبلىسى ەلورداداعى اراي ساياباعىن ادام تانىماستاي ەتىپ وزگەرتىپ، ونىڭ اتاۋىن «جەتىسۋ» دەپ وزگەرتتى.
ساياباققا كىرەردە جەتىسۋدىڭ جەتى وزەنى مەن وبلىستىڭ تاۋلارى، ونىڭ ىشىندە ءدال ورتاسىندا داڭقتى حان- ءتاڭىرى شىڭ بەينەلەنگەن اركانى كورۋگە بولادى. وسىلايشا، ەلوردانىڭ 20 جىلدىعىنا وراي الماتى وبلىسى «اراي» ساياباعىن قايتا قۇرىپ، جەتىلدىردى. ساياباقتىڭ تەك سىرتقى كەلبەتى عانا ەمەس، سونىمەن قاتار اتاۋى دا وزگەرگەن.
ەندى «جەتىسۋ» ساياباعى جەتىسۋدىڭ ەلورداداعى جارقىن بولىگىنە اينالادى. مەملەكەت باسشىسى نۇرسۇلتان نازاربايەۆ تا جۇمىس قورىتىندىسىمەن تانىسىپ، ەلوردانىڭ مەرەيتويىنا وراي وتكىزىلگەن سالتاناتتى شارالارعا قاتىستى.
قايتا جوندەۋدەن وتكەن ساياباقتا جاياۋ سەرۋەندەۋدى ۇناتاتىندار ءۇشىن لاندشافتى- سەرۋەندەۋ ورنى جانە تىنىش دەمالىس ايماعى بار.
ونىڭ كىرە بەرىسىندە جەتىسۋدى بەينەلەيتىن جەتى اركا، سۋبۇرقاقتارى بار باستى اللەيا ورنالاسقان، سونداي- اق تاۋ سىلەمدەرىنىڭ كورىنىسى جانە كيىز ۇيگە ۇقساس ورىن- جايلارى بار «اپورت» الاڭى، ءتۇرلى جاستاعى بالالارعا ارنالعان «تەنگري» الاڭى، شاعان اللەياسى، «تامعالى تاس» پەتروگليفتەرى بەينەلەنگەن تاستار جانە شارىن شاتقالىنىڭ ۇلگىسى بار.
ماڭعىستاۋ وبلىسىنىڭ سىيلىعى
ال، ماڭعىستاۋ وبلىسى استانانىڭ مەرەي تويىنا دوستىق ءۇيىن تارتۋ ەتپەكشى. قازاقتىڭ جومارت جەرى ءارتۇرلى ۇلت وكىلدەرىن قوناقجايلىلىقپەن قابىلداپ، ولاردى ءبىر شاڭىراق استىندا بىرىكتىردى.
ەگەر ءبىزدىڭ ەلىمىز وسىلايشا ءار ءتۇرلى ۇلت وكىلدەرىنىڭ التىن بەسىگى بولىپ سانالسا، ەسىل جاعالاۋىندا ورنالاسقان ەلوردانى التىن دىڭگەك دەپ اتاۋعا بولادى.
بۇگىنگى تاڭدا 20 جاسقا تولاتىن استانا كوپتەگەن ۇلت وكىلدەرىنىڭ ارمانى ورىندالعان ەرەكشە قالا بولدى. سوعان وراي، ماڭعىستاۋ وبلىسى ەل استاناسىنىڭ مەرەيتويىنا ارناپ، دوستىقتىڭ نىشانى بولعان دوستىق ءۇيىنىڭ عيماراتىن سىيلىق رەتىندە تابىس ەتپەك.
دوستىق ءۇيى ەلىمىزدىڭ بارلىق وڭىرلەرىندە، وبلىس ورتالىقتارىندا بولسا دا، ءبىراق استانا قالاسىندا بولماعان. سوندىقتان ماڭعىستاۋلىقتار مومىش ۇلى داڭعىلىنداعى ۇيلەنۋ سارايىن قايتا جوندەۋدەن وتكىزىپ، ونىڭ بازاسىندا دوستىق ءۇيىن قۇرۋدى ۇسىندى.
عيماراتتىڭ ءبىرىنشى قاباتىندا بي زالى، اسحانا، ستۋديا بولسا، ەكىنشى قاباتتا اكت زالى، كىتاپحانا، كيىم زالى، مۇراجاي، كونفەرەنتس- زال بار.
اتىراۋ، تۇركىستان، سولتۇستىك قازاقستان، پاۆلودار، قوستاناي، اقمولا جانە جامبىل وبلىسىنىڭ سىيلىعى
سونىمەن قاتار، «وڭىرلەردىڭ استاناعا تارتۋى» جوباسى اياسىندا اتىراۋ، تۇركىستان، سولتۇستىك قازاقستان، پاۆلودار، قوستاناي، اقمولا جانە جامبىل وبلىستارىنىڭ اكىمدىكتەرى ۆەلوسيپەدشىلەر مەن جاياۋ جۇرگىنشىلەرگە ارنالعان كوپىردى جانە ۆەلوسيپەد ينفراقۇرىلىمىن تۇرعىزدى.
اتىراۋ وبلىسىنىڭ اكىمى نۇرلان نوعايەۆ ەلباسىنا كوپىردىڭ ساياباق ايماعىنداعى جاياۋ جۇرگىنشىلەر لەگى مەن ۆەلوسيپەد جەلىسىن ەسىل وزەنىنىڭ وڭ جاعالاۋىمەن جالعايتىنىن باياندادى.
ۆەلوسيپەد جولدارى «اقىلدى تەحنولوگيالارمەن» جابدىقتالعان. وندا ارنايى ۇستەلدەر مەن ۆەلوسيپەد قوياتىن ورىن، Wi-Fi جانە تەلەفون قۋاتتايتىن قۇرىلعىلار ورناتىلعان.
Stan.kz
