جەيەنبەكوۆ: قىرعىزستانعا پارلامەنتتىك باسقارۋ فورماسى ساي كەلەدى
«مەن قىرعىزستاندا پارلامەنتتىك دەموكراتيا ورناتۋدى كوزدەيمىن جانە ەلدە اۆتوريتاريزمدى ورناتۋ مۇمكىندىكتەرى جويىلۋى ءتيىس دەپ سانايمىن» دەدى جەيەنبەكوۆ. ول پارلامەنتتىك جۇيە «ەلدىڭ تۇراقتى دامۋىنىڭ جانە قوعامدا تۇراقتىلىق ورناتۋدىڭ نەگىزى بولاتىنىن» ايتتى.
جەيەنبەكوۆتىڭ سوزىنشە، قىرعىزستاندا «سايلاۋدا داۋىستى ساتىپ الۋ تاجىريبەسىن» تۇبىرىمەن جويۋ كەرەك. «ال سايلاۋ پروتسەسىنە قاتىستى بارلىق زاڭ نورمالارى سايلاۋ وتكىزگەنگە دەيىن انىقتالىپ، قابىلدانۋى ءتيىس، ودان كەيىن وزگەرتۋگە بولمايدى» دەدى قىرعىزستان باسشىسى.
جەيەنبەكوۆ 2017 -جىلى قاراشادا پرەزيدەنت قىزمەتىنە كىرىسكەن. ول سودان بەرى كۇش قۇرىلىمدارىنىڭ باسشىلىعىن اۋىستىرىپ، وزىنە دەيىنگى پرەزيدەنت المازبەك اتامبايەۆ قويعان ادامدار باسىم ۇكىمەتتى وتستاۆكاعا جىبەردى. سايلاۋالدى كامپانياسىندا جەيەنبەكوۆتى كوپشىلىگى اتامبايەۆتىڭ سەرىگى دەپ قابىلداعان، اتامبايەۆتىڭ ءوزى دە وعان قولداۋ بىلدىرگەن. ءبىراق تاياۋدا سەرىكتەرىنىڭ ۇستالۋىنا مالىمدەمە جاساعان اتامبايەۆ ەكس- پرەمەر ساپار يساكوۆ پەن باسقا دا بۇرىنعى شەنەۋنىكتەردى قۋعىنداۋدىڭ ساياسي استارى بارىن ايتىپ، قازىرگى بيلىكتى سىناعان.
www.azattyq.org
