الەمدەگى ەڭ جۇيرىك كولىكتەردىڭ بەستىگى اتالدى

استانا. قازاقپارات - الەمدەگى ەڭ جۇيرىك اۆتوكولىكتەردىڭ ۇزدىك بەستىگى جاسالدى. رەيتينگ ماشينالاردىڭ بارىنشا جوعارى جىلدامدىقتارى بويىنشا ءتۇزىلدى.

بۇل تۋرالى «مير 24» تەلەارناسى حابارلادى.

ءبىرىنشى ورىنعا Hennessey Venom F5 ورنالاستى. ونىڭ ماكسيمالدى جىلدامدىعى 484 كم/ساعات. دەگەنمەن، بۇل تەك اۆتووندىرۋشىلەردىڭ ايتىپ وتىرعانى ، تىركەلگەن رەسمي مالىمەتتەر جوق. ماشيناعا قۋاتىلىعى 1600 ات كۇشىنە تەڭ 7,4 ليترلىك تۋربوموتور ورناتىلعان.

ەكىنشى ورىنعا ساعاتىنا 477 شاقىرىممەن قوزعالا الاتىن Koenigsegg Agera RS قويىلدى. گيپەركار جوعارى جىلدامدىقتى كورسەتە العان. ساراپشىلاردىڭ ايتۋىنشا، بۇل رەسمي تۇردە دالەلدەنگەن ەڭ جوعارى جىلدامدىق بولىپ تابىلادى. وتكەن جىلدىڭ سوڭىندا Koenigsegg كومپانياسىنىڭ يەسى نيكلاس ليلا ءوزىنىڭ گيپەركارىمەن لاس-ۆەگاستاعى 17 شاقىرىمدىق جولمەن ەكى رەت اينالىپ وتكەن. ولاردىڭ ءبىرىندى ماكسيمالدى جىلدامدىق 458 شاقىرىم  ساعاتتى قۇراعان.

ساراپشىلار ءۇشىنشى ورىندى ساعاتىنا 434 شاقىرىم الاتىن Hennessey Venom GT كولىگىنە بەرىپ وتىر. بۇل كولىك تانىمال گيپەركار ءوندىرۋشى كومپانيالاردى باسىپ وزعان. مىقتى قوزعالتقىشى بار ماشينانىڭ ماكسيمالدى جىلدامدىعى رەسمي تۇردە راستالعان. ءبىراق ساراپشىلاردىڭ ولاردىڭ سەريامەن جاساپ شىعارىلاتىنىنا كۇماندى. سەبەبى ولار ءبىر-بىرلەپ، قولمەن قۇراستىرىلادى دەگەن پىكىر بار.

ءتورتىنشى ورىن ساعاتىنا 431 شاقىرىم جىلدامدىقپەن جۇيىتكيتىن Bugatti Veyron SS- قا بەرىلدى. اتاپ وتىلگەندەي، اتالمىش برەندتىڭ SS نۇسقاسى ءوز كەزىندە ەڭ جىلدام اۆتوموبيل اتاعىن قايتارىپ الۋ ءۇشىن شىعارىلعان. اقىرى قوزعالتقىشتىڭ قۋاتى 1200 ات كۇشىنە دەيىن ارتتىرىلىپ، اەروديناميكاسى جەتىلدىرىلگەننەن كەيىن باسەكەلەستەر ارتتا قالعان.

توپ بەستىكتى ساعاتىنا 420 شاقىرىممەن قوزعالاتىن Bugatti Chiron تۇيىندەپ وتىر. بۇل Bugatti Veyron-نان كەيىن شىققان مودەل. ماشينانىڭ ستاندارتتى نۇسقاسى ساعاتىنا 420 شاقىرىم الا الادى. بۇل ەسكى Veyron SS- كە قاراعاندا ازىراق. دەگەنمەن، كولىكتىڭ قۋاتى بۇدان دا جوعارى جىلدامدىققا جەتەر ەدى، ءبىراق وندىرۋشىلەر وعان جىلدامدىقتى ەلەكتروندى شەكتەيتىن قۇرىلعى ورناتىپ قويعان.