بۇگىن ديپلوماتيالىق قىزمەت كۇنى

استانا. قازاقپارات - بۇگىن قازاقستاننىڭ ديپلوماتيالىق قىزمەت كۇنى، دەپ حابارلايدى قازاقپارات ءتىلشىسى.

1992 -جىلدىڭ 2 - شىلدەسىندە ەلباسىنىڭ جارلىعىمەن ەلىمىزدىڭ سىرتقى ىستەر مينيسترلىگى قۇرىلعان ەدى. ال «ق ر پرەزيدەنتىنىڭ 1998 -جىلعى 20 - قاڭتارداعى «قازاقستان رەسپۋبليكاسىنداعى كاسىبي جانە وزگە دە مەرەكەلەر تۋرالى» №3827 جارلىعىنا تولىقتىرۋلار ەنگىزۋ تۋرالى» قر پرەزيدەنتىنىڭ 2009 -جىلعى 1 - شىلدەدەگى № 837 جارلىعىمەن كاسىبي جانە وزگە دە مەرەكەلەر تىزبەسىندە 2 - شىلدە - ديپلوماتيالىق قىزمەت كۇنى دەپ تولىقتىرىلعان.

 ەستەرىڭىزگە سالا كەتەيىك، 2017 -جىلدىڭ 20 ماۋسىمىندا مەملەكەت باسشىسى «قازاقستان رەسپۋبليكاسىنىڭ ديپلوماتيالىق قىزمەتى تۋرالى» قازاقستان رەسپۋبليكاسىنىڭ زاڭىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى. اتالعان زاڭ ديپلوماتيالىق قىزمەت ورگاندارىنىڭ تيىمدىلىگىن جوعارىلاتۋعا باعىتتالعان.

قازاقستان بارلىق ب ۇ ۇ ەلدەرىمەن ديپلوماتيالىق قارىم- قاتىناس ورناتقان. 1992 -جىلى بىرىككەن ۇلتتار ۇيىمىنا مۇشە بولعان سوڭ، ەڭ ءىرى الەمدىك جانە ايماقتىق دەڭگەيدەگى ۇيىمدارعا مۇشە اتانا باستادى. بۇگىندە قازاقستان ەۋرازيالىق ەكونوميكالىق وداق، شاڭحاي ىنتىماقتاستىق ۇيىمى، يسلام ىنتىماقتاستىق ۇيىمى، ازياداعى ءوزارا ءىس- قيمىل جانە سەنىم شارالارى كەڭەسى جانە باسقا دا حالىقارالىق ۇيىمداردىڭ بەلدى مۇشەسى. 2017-2018 -جىلدارعا ب ۇ ۇ- نىڭ قاۋىپسىزدىك كەڭەسىنە تۇراقتى ەمەس مۇشە بولىپ سايلاندى.

 اتاپ ايتقاندا تاۋەلسىزدىك جىلدارىندا قازاقستان رەسپۋبليكاسىن دۇنيەجۇزىنىڭ مەملەكەتتەرى تانىدى. وسى ورايدا، شەتەلدەردە قازاقستاننىڭ ديپلوماتيالىق جانە كونسۋلدىق وكىلدىكتەر جۇمىس ىستەۋدە. سايكەسىنشە، الماتى مەن استانادا شەتەلدىك ەلشىلىك پەن ميسسيا، حالىقارالىق جانە ۇلتارالىق ۇيىمداردىڭ ونداعان وكىلدىگى جۇمىس ىستەيدى.

اۆتور: رۋسلان عابباسوۆ