08:24, 02 - شىلدە 2018 | GMT +5
نۇرسۇلتان نازاربايەۆ باقىتتىڭ نە ەكەنىن ايتتى
استانا. قازاقپارات - مەملەكەت باسشىسى نۇرسۇلتان نازاربايەۆ ءوزىنىڭ باقىت تۋرالى پىكىرىمەن ءبولىستى، دەپ حابارلايدى «قازاقپارات» ح ا ا.
اقوردانىڭ باسپا ءسوز قىزمەتى ينستاگرام جەلىسىندە ەلباسىمەن بولعان شاعىن بەينەسۇحباتتى جاريالادى.
«باقىت باسىڭدا ماڭگىلىك تۇرا بەرمەيدى. كوپشىلىك ادامدار باقىتتى ماڭگى باقي ورنايتىن قۇبىلىس رەتىندە باعالايدى. ال، راسىندا باقىت دەگەن ول ءبىر مەزەت قانا. بالالارىڭ مەن نەمەرەلەرىڭ كەلىپ، جۇپ-جۇمساق الاقانىمەن موينىڭا اسىلا كەتكەن ءساتتى ناعىز باقىت دەۋگە بولادى. مەن جاقىندا عانا وسى تۋرالى وقىعان ەدىم. لوندونداعى ۋنيۆەرسيتەتتەردىڭ بىرىندە ارنايى زەرتتەۋ جۇرگىزۋ ءۇشىن 15 مىڭ ادامعا «باقىت دەگەن نە؟» دەگەن ساۋال قويادى. سوندا ناعىز باقىتتىڭ ءبىرىنشى كەزەكتە وتباسى مەن بالالار ەكەنى ايتىلعان».
