نۇرسۇلتان نازاربايەۆ استانا ماڭىنداعى جاڭا دەمالىس ورنىنا باردى
«بەيبارىس» دەمالىس ورنى استانادان 15 شاقىرىم جەردە اقمولا وبلىسىنىڭ ارشالى اۋدانىندا ورنالاسقان. نىسان 2 ميلليارد تەڭگەگە ەسەپتەلگەن جەكە ينۆەستور قاراجاتىنا تۇرعىزىلعان جانە ونىڭ اشىلۋى استانانىڭ 20 جىلدىعىنا جوسپارلانعان.
«قوناق ءۇي كەشەنىندە 26 ءنومىر بار جانە 70 ادامعا ارنالعان مەيرامحانا، جازعى تەراسسا، كاراوكە، ءماجىلىس زالى، ينتەراكتيۆتى تير قاراستىرىلعان. كەشەن اۋماعىندا قارۋدان وق اتۋدى ۇيرەتەتىن اككرەديتتەلگەن اشىق تير اشىلادى. ەرەكشە اسەردى قالايتىندار ءۇشىن ايگىلى CounterStrike كومپيۋتەرلىك ويىنىنىڭ كوشىرمەسى بار. دەمالىس ورنىندا 80 گە جۋىق جاڭا جۇمىس ورنى قۇرىلدى. اتاپ ايتقاندا، مۇندا اقمولا وبلىسىنىڭ جەرگىلىكتى تۇرعىندارى جۇمىسقا الىندى، ولاردىڭ جالاقىسى 100-120 مىڭ تەڭگە ارالىعىندا» ، - دەدى «بەيبارىس» دەمالىس ورنىنىڭ ديرەكتورى رۋسلان شامكەنوۆ جۋرناليستەرگە بەرگەن سۇحباتىندا.
نۇرسۇلتان نازاربايەۆ استانا ماڭىنداعى جاڭا دەمالىس ورنىنا باردىديرەكتوردىڭ ايتۋىنشا، دەمالىس ايماعى قىلقان جاپىراقتى اعاشتار اراسىندا ورنالاسقان جانە ونىڭ جالپى كولەمى 11 گەكتارعا جەتەدى.
قوناق ۇيدەگى ەكى ادامدىق ءنومىر قۇنى تاڭعى اسپەن بىرگە تاۋلىگىنە 30-35 مىڭ تەڭگە بولماق. سونداي- اق، بۇل سوماعا ورمەلەيتىن قابىرعا مەن ارقان پاركىنە (ۆەريەۆوچنىي پارك) كىرۋگە بولادى. VIP- ۇيلەر تاۋلىگىنە شامامەن 60 مىڭ تەڭگەگە جالعا بەرىلەدى، وعان ءبىر مەزەتتە 4-12 ادام سىيادى.
«جاسىل بەلدەۋدى دامىتۋدىڭ ءتۇرلى جوسپارلارىن كورىپ، وسىنداي كەشەن تۇرعىزۋدى ۇيعاردىق. ءبىر جىلدا شامامەن 2700 اعاش وتىرعىزدىق. كەشەندە جىل بويى قىزمەت كورسەتۋگە ءازىرمىز. جازعى ۋاقىتتا 30 دان استام، قىستا - 25 كە جۋىق قىزمەت كورسەتە الامىز. بالالار الاڭقايى، SPA- ورتالىق، حامام، حاۋىز، مەيرامحانا، كاراوكە، پەينتبول، سترايكبول، كۆادروتسيكلدەر، باربەكيۋ ورنىن ۇسىنا الامىز. ياعني، وتباسىلىق جانە ەكسترەمالدى دەمالىستى ءبىر ورىننان تابا ءالاسىزدارا، - دەپ ءوز ءسوزىن تولىقتىردى رۋسلان شامكەنوۆ.
ايتا كەتەيىك، مەملەكەت باسشىسىنىڭ تاپسىرماسىنا سايكەس، اقمولا وبلىسىنىڭ اكىمى مالىك مىرزالين استانا توڭىرەگىندە قالا تۇرعىندارى مەن قوناقتارى ءۇشىن دەمالۋ بازاسىن قۇرۋ جونىندە مىندەت قويعان بولاتىن.
